唉...聽日畢業典禮...唔想返去...

一黎唔想見到自己張成績表(太差,我諗包艇)

二黎唔見左校服同唔想著

三黎返到去都係坐,又要聽校長講野......

我都已經大約估到佢想講咩

睇d人行黎行去拎獎...真係十分無聊

不過其實自己係屋企d時間真係唔知點解hea得好快

起身開maple行FM

之後落街買送煮lunch

食完睇阿哥買返黎既劇集

已經成3點幾...有時去打乒乓波,有時打機

好快又7點

有時8點去踢波...生活就係咁...

次次放假前都係到諗自己會做d咩

整模型,睇動畫,去旅行,執間房 = ="

但次次放緊假都同自己plan既完全唔同

唉...

今日8點又去左踢波,頂,班人好似係到踢人咁

唔知係咪天氣熱,跑一陣就出曬汗,無乜力咁

我都係踢左陣,開場踢左陣,之後去左射下波傳下波仔咁

十點左右個時落場踢..

比條友一腳踢左落我隻腳趾公到

頂,痛到丫...之前隻腳趾公都已經好傷

真係傷上加傷...之後其實想踢,但係力不重心 = ="

唉...成隻都瘀曬...