琴日放學練波,比人趕走!頂佢!

之後我地班有bbq...但我淨係打波...打左勁耐!

之後好口渴,吉吉幫我拎左杯野飲~又繼續打...

打到呀man去學琴...好累...好肚餓...跟住就燒野食喇...

食左小小野...又再去打波...直到佢地執完野...我地成班友去食糖水!^^

17個!好熱鬧...連dicky都黎!太多人...等位等左ok耐...勁開心囉!好耐都冇試過咁多人一齊...

之後就同楊晴&kaim一齊返屋企...返到屋企成11點幾...累死!超眼訓...!

但成1點幾先訓覺!今朝7點幾就起左身...都唔知咁早做咩...

又去比賽嚕!對TST...我地2:0贏左佢地...但我覺得我地仲可以打得更好!

我今日冇開失波...都唔錯...我開落L人度!!哈哈!好串啊!

但佢真係接唔到嫁!係我見過ge L人最炸ge一個!~~

我太輕敵...=="唔記得我好矮!...

比人地個高妹攔到我網...好失敗!我以為佢唔識攔網...淨係兇下我...點知...佢咁鬼高!=="

我地打完就出左去影相嚕~我係b grade啦!yeah~~

之後入番去睇聖羅撒vs體藝...

估唔到囉!體藝第一場贏左佢地啊!超勁!低估左你地ge實力!

佢地兩隊三傳都好靚!yuki都驚!佢地喊呀!好感動!好激!

之後兩場d分數好近!為聖羅撒感到驚慌!

好彩最後都贏左佢地!好耶!

之後我地去m記買左野食...一路行一路食...搭火車去睇吳樂維同joey選港青!

好可惜遲左...睇唔到佢地打波...不過見到d人打波真係好勁!

落腕好靚!跳得好高!好勁呀!!!我要學下佢地!

之後返新翠打左陣波...原來joey同我同一間小學,又係排球隊,又係比ms羅教!好Q呀!

我今日先知!

要振作!~~~~~

 好耐冇打blog啦...因為上唔到網...有部電腦都廢...

好憎我細佬囉...我同我家姐一間房,佢自己一間已經超正...

而家我一出去佢就入我間房開電腦囉!我連自己間房都比佢霸埋!憎爆佢!

勁憎佢整我d野啊!!!!呀媽仲要唔理佢...我趕佢出去,佢仲要鬧我囉!

正一仆街!佢話搬番部電腦出去就唔洗煩...咁佢就可以叫我細佬唔好入我間房...!

佢玩曬啦!搬埋出去,我諗我連掂ge機會都冇!

我細佬喺我間房ge時間仲多過我囉!自己霸曬!超憎佢啊!

而家成個人比佢地搞到down曬...連一d私人空間都冇...好想死!

佢成日都叫我去死...其實我都有諗過...我都好想死左去囉!

但我次次諗到想死,我就諗起排球!我真係放棄到排球咩?好殘忍...

我太掛住個排球啦...想死又冇得死...好痛苦!

佢真係覺得我吹水...淨係識講死...

好痛苦!死左就唔會再同佢地一齊啦...可以唔洗見到佢地啦!

但排球.........

我真係唔可以放棄!唔忍心...唔忍心啊!

勁痛苦...勁down...有咩可以比我發洩??

根本冇人可以明白我ge感受...我平時已經好小會喊...

但今日喊左好耐...喊得好勁...

贏左比賽又點...呀媽都唔認同我!

根本我打波打得好唔好...佢都唔會知...唔會理!淨係識叫我唔好打咁多...早d返屋企!

點解佢唔可以了解下...我打排球唔係玩玩下!我未試過咁有決心想做好一件事!想自己進步!

但點解啊?點解佢都係否認我...?......

我好想快d大個...我想快d搬出黎...其實我大個左有咩理想?

其實我自己一d都唔知...我想一直打排球!

如果打波ge時間可以停留咁就好...但好可惜,打波ge時間真係好小...小得可憐!