今日行行下(返學)...一轉身想叫人~

點知見到大隻佬...=="呆左lo...點解佢會係度ge?!

平時好似都冇見過佢...

今日調左新位啦...

始終都唔like佢lo...又煩又吹水...

我而家真係要比多d心機讀書!

我唔想冇得打波~

所以...請係唔好聊我傾計!

今日中文默書...唉!好似錯左好多...

都冇咩溫過...所以至少都錯左3個...

默緊果陣唔記得左肆無忌憚個「肆」字...

但一收左簿...諗諗下...又記得左啦~=.="唉!

算啦!都合格ge...只希望呀媽唔好又餓我!

今日上RE堂...呀sir叫我地做傷殘人士...

有人斷手，有人啞，有人跛腳，有人瞎ge...

我地要行去另一邊~

d人太傻啦!又咩人過去...咁辛苦!

我地個組...一出到去就祈禱~

求主令我地好番曬...之後勁串咀咁走過去!

哈哈!!

跟住放學...本來去團契的...

但去果陣冇識人...我地又想傾計~

所以開始果陣冇入去...

後尾怕比老師話...所以又入左去...

點知啤梨話坐咁前驚比人Miss Lam見到...但其他冇2個位bo...

之後佢鬼鬼祟祟咁...我咪話:咁不如出返去啦~

點知又比Mrs Yu 見到...佢問點解又出又入?

我咪話搵人lo...跟住佢要我叫番啤梨返黎搵佢...

(啤梨一出去，就飛走左...我隻腳痛，跑左一陣就唔得，所以比Mrs Yu叫番返黎~-.-")

之後以我地ge聰明才智...終於諗到解釋啦~^.^

佢話叫我地快d入去...唔好再又出又入啦~

OK!搞掂~

之後完左，同啤梨一齊走人啦~88~

P.S.你介唔介意我係qooza用「大隻佬」黎代替你個名?