第一日....
一開始唔識啲參加者,到後來現埋checkpoint後慢慢熟悉
第一日夜晚...
頒完獎之後冇玩到大電視,直接由啊jack開始pz
雖然講ge時間長咗啲,但因為有獎勵ge關係同參加者都有互動
但其實其他義工係後面提醒jack要快啲完好多次,但佢都堅持講落去~
因為時間delay咗個幾鐘,小蘋果練咗幾次就完咗
廖寶教得幾好haha~~
跳完之後講咗幾句就叫大家去沖澡瞓覺
欣姐同air係開會前帶咗糖水俾我哋食,係芒椰小丸子,我最中意的所以好開心
之後義工就係門口出面繼續開會做檢討
一直傾到4點幾,大家都好疲累..
開完會入到房發現仲有好多參加者未瞓,都幾驚訝,明明2點個陣已經熄咗灯要佢哋瞓
我哋沖埋澡就瞓咗,我同飯桶同床...
第二日~
琴晚啲冷氣勁凍,又冇被,途中凍醒咗2,3次
朝早7點幾個陣終於頂唔順要行出去瞹下
一出去到就見到瘳寶坐係石邊上,開咗啲音樂,幾好聴
心諗佢咁早起身,唔想打破呢個寧靜ge氣氛就冇打到招呼
我坐係門口出面張登度小休咗一陣,
坐咗10分鐘左右,番到間房發現大部分參加者已經醒曬梳洗緊
而義工仲瞓緊,估唔到大家都咁有精神.,,
早餐因為琴晚andy唔記得打去安德魯訂,臨時改咗由啊森開車去買美心
之後應該係啊銘開咗啲音樂俾大家
因為播ge大多數係bigbang ge歌,岩岩聴完廖寶ge歌再聽番泡菜歌有咗對比,少少羞愧
梳洗後遇到細泰,佢問我係米好攰,應咗佢一下就行開咗
早早地食咗個包,熱身就開始,感覺義工冇乜精神
個熱身由啊jack同啊明帶,冇變動,事後freeback話熱身唔夠high
之後就係checkpoint game,時間比預想中提早咗好多
就轉咗幾次方式一直玩落去,
玩得七七八八大家都完成咗9個checkpoint之後就番男仔房做debriefing
午餐又遲嚟咗不少,義工就帶參加者係房度玩動作妹,都幾開心,午餐冇記錯係12點幾先送到
一拎出嚟嚇親我哋,得幾盒餸,有啲擔心大家夠唔夠食
之後就入房叫佢哋出嚟食飯,我哋就係房入面繼續傾野
傾到咁上下時間就齊齊出去食飯,點知見到剩咗好多餸
因為個份量睇落其實係唔夠唔多人食,
覺得可能係佢哋留俾我哋食ge,有啲warm
我哋好快咁掃曬剩低啲食物,清理埋現場就入房繼續活動
briefing緊晏就探訪ge野個陣出面突然落大雨
大家着起雨衣夠鐘就行出去巴士站搭巴士,件雨衣又蒲又焗,啲汗痴住雨衣,熱到好似焗爐咁
等咗陣上車出到去路環個天就放晴= =
係車上休息咗一陣,一落車就掉曬啲雨衣,
第一次上到扶康,其實我ge心情同參加者一樣
佢哋見到我哋就拍水大叫不斷歡迎我哋,大家都俾佢哋ge熱情嚇親
行過去放低物資,職員就叫我哋坐係佢哋之間
參加者有啲猶豫不過都係行咗過去坐低
一開始我哋表演咗小蘋果先,有個女仔同我講佢有啲驚,我就叫佢坐係個職員身邊,然後同啊余講
玩埋估歌仔估人物,佢哋超勁,show張額頭相就知邊個
又臨時加插咗音樂傳水樽個game,輸咗要介紹自己
最後派歌詞紙,合唱咗幾次小蘋果就say byebye
職員再去帶我哋去參觀,途中發現出面居然落大雨,個天真係玩野
到咗4點3左右結束,影埋大合照就走了,出到門口佢又停雨了
時間提早咗不少,就決定行去超市買野飲,買咗杯頁茶但因為唔方便係佢哋面前飲就一直冇飲到
又行去北灣巴士站等埋探訪老人個邊ge人嚟先一齊搭車番camp site
因為大家都好攰就決定cut咗街訪呢part,,寧願番去玩多陣
結果到上得車個陣已經5點半左右,番到去時間反而岩岩好
之後小組debriefing就食晚餐pizza hut
唔洗10分鐘掃曬所有食物我也是醉了...
然後到第三組開始活動
|
