但就快要離開呢個世界既寵物係咁痛苦既事~

"安樂死"可以幫動物舒舒服服咁去訓教..

只係一枝針~

問過價錢...其實都唔平(一枝$400起)

知道愛護動物協會可以免費幫倉鼠類做安樂死...

但一定要係會員(年費$200)~

不過愛護動物協會d人都同我講...

「其實都冇理由要因為咁而入會，你不如當你隻寵物係你響街搵到既，之後拎黎呢度囉~我地會幫佢做安樂死，寫張表就ok架啦~」

我話：「咁條屍會點？」

「我地會俾XXX處，之後就送去堆填區。」

「活生生咁？」我問在個好蠢既問題...

「當然唔係啦~會做左安樂死先~」

之後講多左幾句就收左線~

我唔想傻仔長眠既地方係堆填區啊..

但係如果做會員..可以拎返屍體..咁我點處理佢呢？

我家姐同我講..帶傻仔去火化~

我又打去問下~有三間，兩間話死左之後先可以做~

得一間話可以打左針之後再火化~但係就貴好多~

一枝針($250以下)火化全套($480)

屋企人話好貴~去愛護動物協會算啦~

仲話我對傻仔其實已經好好架啦...

不過我好驚愛護動物協會會唔知點對傻仔...

因為我冇得睇傻仔打針既過程~

其實俾我睇..我都唔想睇...

而家只有兩個選擇...

去愛護動物協會or等傻仔自自然然咁死..再去火化~

我應該點做？！