前日，我跟傳道人聊了一會兒電話，她叫我嘗試背詩篇第1篇！因為在工作上我的而且確像變了另一個人，在神的眼中和在弟兄姊妹的眼中，我可能變成一個退後得很緊要的肢體/兒女。我跟她掛線之後，便打開聖經背詩篇第1篇。我是第一次背整篇經文的，之前背一兩節經文都覺得困難，因為我是一個沒有記性的人﹒﹒﹒之後我禱告告訴神，希望能夠將神的話語存放在心裡，之後我竟然能夠背到詩篇第1篇，當然會有些字是背錯的。

昨天，我一邊工作，一邊背詩篇第1篇，雖然有時候背背下都不記得背到那裡，但是自己不開心的時候，便立刻背這篇經文，覺得好安慰，自己都小了暴躁！但是仍然有說人壞話 我跟傳道人又聊了一會兒電話，之後她便叫我嘗試背埋詩篇第二十三篇，其實這亦是我很喜歡的一首詩歌

今天，因為是學生開學日，所以有更多人到酒樓飲茶。忙到自己都暴躁﹒﹒﹒一有小小空閒的時間我就會背詩篇二十三篇及詩篇第1篇我這兩天才發覺，原來背經文對我們日常生活是有很大的幫助！雖然，有時候會不清楚經文的意思，又或者是突然之間想不起背過的經文，但是神是很奇妙的，總有辦法叫我們明白及記番起某些經文！
我終於都同左店長講「我做埋星期五就唔做啦」！之前好擔心佢會發脾氣又或者罵我，因為唔做要早7日通知，我都有為呢件事禱告，但係好感謝神，佢不單止冇罵我，仲好快咁講「好呀！」仲問我「你係未到依家都未出糧？」，我話「咁你話呢？」，之後佢就諗住即刻出糧比我，但係我冇帶身份證激死我啦﹒﹒﹒我有帶身份證果段日子佢又唔得閒理我，我冇帶身份證果陣佢又話出糧比我唉算啦，我遲D先叫佢一次過出比我。

我竟然有D唔捨得呢份工，因為同同事熟落左，同某部份客人都打成一片，廚房有個師傅無啦啦做左我契爺，佢都幾錫我，因為佢做左我契爺既緣故，其他o係廚房做既人都好鐘意同我傾計。其實我覺得自己都幾犯賤，初初做呢份工又嗌辛苦，又想快做完佢，之後到左今日我竟然想再做長D﹒﹒﹒