第一次寫,唔知打咩好~_~"就打下番工咁耐,自己有咩諗法啦@_@"
5月13號,同kenny去左旺角見工,14號就收到通知,叫我15號番工。(我係見貢茶的)

5月15號,第一日番工,果日傻下傻下早左成半粒鍾去到公司,之後就係附近行。行下野睇下野咁,睇到離夠鍾早3個字,上左去公司。

記得第一眼見到個女仔,之後同佢講左句四字真言: "我尼番工",佢諗左一陣,叫左入面一個男同事,之後果個大d既同事就叫我入尼。

傻下傻下入左去,換左件制服,終於開始正式做野。打左卡之後,果個男同事開始介紹我比其他人識,聽佢講落先知,原來第一眼見到果個女仔,都係同我一樣,係第一日尼番工@_@"之後傾左一陣計,個男同事無神神爆左句:"e,Leo,你同Yuki(果個女仔既英文名,發覺好多女仔中意叫Yuki,點解呢~_~?)差唔多大炸啵,有冇諗過同佢拍拖呀?"之後我笑笑口冇講野,望下Yuki,佢既反應都同我差唔多,只係不斷係到講d"我地唔會架"之類既野...傾傾下計,男同事(呀芹)開始教我做野。我一開始要做既野,係幫d客人pack野飲,認好左d袋之後,幫d買得多野飲既客放d野飲落袋。咁易做既野,當然一學就識。之後就學"出茶",姐係幫d沖左茶既同事將杯茶送到客人手上。易既野,好快就學識,同樣地,今次亦一樣。同事呀芹唔想我第一日學太多怕我記唔到,於是呢日就不停做呢兩樣野。到收工既時侯,換左衫,打埋卡,走人@_@"

好隨意地回頭望一眼,一眼就望左落Yuki到,真係好想認識下呢個女仔...@_@"

今日打住咁多先,眼訓v_v"