翻鄉下..m''''

系悠長假期必須既行程(對我自己來講)

只不過，

依次真系‘翻也匆匆，走也匆匆’

臨時臨急就話走

搞到我半夜系度執依樣執個樣

甘啱部電腦又系度發脾氣

搞到我幾經辛苦先將D歌down落部手機度

╮(╯_╰)╭

最慘系..

臨出門口講左句大吉利是既野..

俾阿爸鬧

仲有過左e道先發覺自己既回鄉卡過期

搞到又要fing$5xx搞個臨時既..

頂距

一張臨時紙都要500幾

中國政府好等錢使咩..

仲話要等2粒鐘

(╰_╯)#變態

不過好彩最後等左半粒鐘就ko左

其實翻去..我真系無乜野可以做

穩舊時D朋友嘛..

我五年級就出左來、有邊個會熟絡呢..

根本就無話題講

所以每日都差唔多系啊嫲屋企hea..

系得...大概3日系比較有活動

有日就去左直髮..

坐到我腰骨痛之外，仲要俾一個學徒全程𥄫住..

而且個哥哥仔好心做壞事

驚我悶，所以轉過電視度整頭髮

搞到我望唔到距點整

偷唔到師..@@

另外一日

就同家姐出左城市行街

（由島去城市需要半小時車程)

出左書城買書..

自己想買既書又未出版

打算想睇下有咩好書

點知..

十本中十本都系講愛情

再唔系就講政治之類..

激死

乜書都無買到

唔知邊日

同啊嫲，阿爸，家姐去大皇廟拜拜

啊嫲要我地晨早起身..話會少D人..

唉..（¯﹃¯）

其實去個陣...真系好對唔住神

呵呵。神，其實我系去參觀下中國既古舊建築文化，唔好誤會

至於個廟系拜邊個

而家醒唔起

好似話因為距，本身打算來我地個島打劫既張保仔打消念頭

遲D仲會起多間觀音廟定菩薩廟

最啱啊嫲心意啦~~

因為藉住信耶穌哥哥..

唔使拎住D香左行右行..

趁機影左D關於廟既相

拜拜完之後，阿爸就用摩托車車左啊嫲去酒樓先

我就用架單車車家姐慢慢去..

沿路影D風光相..

(翻大陸依幾日，我變左距既單車司機T~T)

飲緊茶，聽到D侍應大嗌

阿爸話可能系日蝕，叫我地出去睇

出到去望住個天..

(鴉鴉鴉....)車，根本系舊雲遮住個太陽..

D人真系...

因為個日系爺爺生日

所以晚黑就去左全島唯一一間賓館食飯.(唔系你地念個D)

好耐無見爺爺啦..

m...距其實之前中過風

而家唔系甘認得人，行動都唔方便

全部人到齊..除左我阿媽(系香港)，仲有二伯母(距已經同二伯父離左婚)

食飯期間..二伯父依個影相狂

全程都差唔多攞住距部專業相機影相..

搞到我，家姐幾個都影埋一份..

我發覺..我同二家姐(六個中第2)好似系全場飲最多紅酒既人..

我地兩個互相敬酒.O(∩_∩)O哈哈~

當然..塊臉自然變左番茄

食到八八九九既時候

我地六個孫..逐個逐個同啊爺敬酒..

啊爺次次都未開始影..就飲曬杯野..

哈哈~好kewaill..

之後又影相，又錄影片

影N耐先影好D相..

啊嫲已經好唔耐煩..哈哈

鄭盈欣(我阿妹，六個之中最細..脾氣最爛的一個)又唔識笑

狂NG

等伯父揸部車來既時候

我大家姐(即系六個中最大個個，脾氣同第6個個差唔多)突然話去唱K

結果5：1，得家姐反對

本身話我地想我地六個自己去城市唱

唱通宵之後去食KFC早餐..再搭車翻去島

但系D大人就驚依樣驚個樣..

又話危險，又話複雜

唉..擔心都多餘

我地六個，五個都已經唔系細路哥。都識念噶啦..

六姐妹一人一腳都打死D壞人啦..

最後話唔俾唱通宵

叫左幾個大人跟埋我地去.

第1次系大陸唱K啊...

抵過香港...

不過都唔high..

因為有大人

而且家姐同啊嘉(排第4，雖然大過我，但唔慣叫距做嘉家姐..)又去左廁所傾幾

第6個個.雖然開學升中一..但心智仲未成熟，當然無乜歌啱距

最後得我，大家姐，二家姐唱..

10點幾唱到凌晨1點幾

都未夠皮..而且2家姐唱到最後先開聲..

可惜可惜

期間，我地聽到D玻璃聲

出去睇下..

原來隔離房有人打架呢...

睇來都系D北方人惹事

第2日

我同家姐去啊嫲屋企時

又經過我1至3年級既小學

由於說來話長..

反正小學而家一半俾左我以前讀既幼稚園做學校。一半變左盧公廟

多得家姐鼓起勇氣..我地可以入去睇下..

好開心啊...

我都唔知有幾多年無入去啦~~

影相個陣發現..

而家D小朋友..距地午睡既床..

好過我個陣系幼稚園既床..

系我個個時代既床..

系一個鐵造既嬰兒床..

而且每張床仲要訓兩個人

而且仲要系男女撈埋一起

唉..而家..D小朋友真系幸福啊~~~~~

臨走既前1日..

要幫手包茶果0..

先系同啊嫲去大伯父屋企既後山摘包茶果既葉

環境系極度惡劣..

你地見到應該唔肯上去摘

之後

.就要用井水洗乾淨D新鮮摘落來既茶果葉仲有粽葉

我中意啊嫲屋企個井..

D井水真系好涼好爽噶~~~

之後就齊齊包茶果啦..

(因為啊嫲個日訓唔到..凌晨自己起身包左粽)

因為第1次整..

所以~mm...

唔知道搽油既分量系幾多..

最後..呃..

只只茶果都油xx

早知就唔做依個步驟啦....

到左晚黑食完飯..

就自己踩單車翻屋企沖凉..(家姐同同學出左城市)

鄉下真系唔同...

到左晚黑..個天真系睇到好多好多既星星

完全唔同香港..

可惜影唔到相啊..、

因為9點就停水..

所以要趕翻屋企沖凉同儲水

最後，因為家姐既學校有大把活動

所以玩左一個禮拜都無就翻來香港啦..

唉.

所以我念緊..

啊媽遲D因為同學會返去

我跟唔跟距返去好呢.0.

至於依次翻鄉下既相..影片之類

我遲D會一次過上載系相簿度噶啦..

p.s終於都打完嘞...得翻半條人命..

同我有D耐性睇啊..

因為部電腦途中發脾氣..

依篇野我打左兩次噶啦..

當俾面