@@一去完bhs既夏日相聚wonderful~就番左屋企打blog

今日6點幾去到bhs,之後就係雨天操場到食住野等個晚會開始。大約7點30到,個晚會終於開始,我同曾柏寧,傑一入到禮堂就簡左張方便拎野食既枱到坐,然後就同國威,寧,傑,cockroach一路食野,一路睇表演;傾計。到左大家都飲飽食醉既時候,吳惠老師就走左過來同我傾計。好奇怪,雖然佢只係教左我半年到,但係就同佢幾傾得埋,亦師亦友!!!如果佢早d教我咪好囉。老師走左之後,珍珍都過左來,同我傾左陣計~快d搵番份長工啦你@@!!!!!

個晚會去到太約9點30到就完左,之後就番屋企lu。=@=由於番屋企既小巴去到唔知9點定9點30就冇車,所以我就搭西鐵再轉的士番屋企!!!雖然係就係車費貴左d,不過都係值得既!!!!!

個聚會比我想像中好,可能係我第一次參加bhs既夏日相聚wonderful掛。呢次相聚見番好多同學校和老師=@=仲有好多似有錢人既校友(可能真係有錢)

個聚會除左食當然仲有得玩啦<---抽獎(點解抽我唔到-@-架)。其實食同玩都係次要,最重要係見番d老師同學,同佢地傾下計,吹下水咁~都唔錯@@~~!!!

係wo~點解5b班咁小男仔番來bhs既,得我同賴生(以我所見),其他去哂邊呀!!!!!!!!!!!