今日朝早同龜龜返左東門行街，我地過完關之後就諗住排隊搭的士去既，到我地果時，d人都唔知係唔係蝦我地既，

個個係到打尖，之後我地都唔讓佢地啦，終於比我地上到車，哈哈....去到果度11點幾，佢話去睇鞋先，

跟住佢睇岩果d唔係冇碼就冇果種顏色，就冇買到啦，之後我地就去左味千拉麵到食野，d野食都ok既，之後就行寶華樓先啦，

係果度買左好多垃雜野，仲買埋人地d生日禮物添，哈哈~~~之後龜龜就買左d野食，就去西華宮行啦，

我買左一件衫同埋一條褲，佢就好似買左三件衫，之後我地買左隻碟就走左去麼麼茶到坐住等佢個fd黎同我地一齊食晚飯，

我地叫左d野食同野飲，玩鋤大d黎消磨時間，點知我地玩左好耐先玩得一個鐘，d人又係到吸煙喎，

搞到我個頭好暈，之後仲有d想嘔既感覺，愈坐愈唔舒服，so就叫佢個fd快d黎啦，我地就埋單係出面戲院d櫈到坐，

出到去舒服左好多，佢個fd黎到之後我地就去食飯啦，食完之後我地就坐係到傾計，8點幾果時就搭地鐵走啦，

返到元朗10點到，不過係巴士係有個阿婆唔著鞋，搞到我地聞到想嘔，之後上左上層坐，

之後都有一家人上左黎坐，d人真係冇公德心架，不過都好好笑啊，哈哈..

PS: 琴日考oral出左題唔係難既題目，我覺得我都算ok既，希望真係得啦!!!同我同組既有3個人上次考中文oral果時都係同組架，

      哈哈......好巧合啊!!!