今日係阿魚生日，我地約左去海洋公園玩，不本諗住買套票既，不過郭珊珊遲到，所以我地最後都係搭返968去，
去到之後我地就買左飛啦，之後就入去玩啦，我地第一樣玩既野就係熊貓夏水禮，我地玩左掟波果個，
如果掟入左甘佢就會噴水出黎，我地個個都濕左，不過最濕果個都係阿魚，我地之後仲想玩果個滑梯既，不過我又費事煩，
冇去到，得阿魚去，玩完之後我地就上去玩啦，上左去之後，神婆、阿魚同龜龜就玩滑浪飛船，但係我同郭珊珊就唔敢玩，
我地就拎埋佢地d野係到等啦，果度又鬼死甘曬同埋熱喎，所以我地就諗住去海洋館等佢地，我地又搭多3條電梯先上到去，
跟住買左冰食，之後郭珊珊就諗住打電話同佢地三個講我地上左去，點知佢地d電話全部係哂我地果度，跟住我地又要落返去啦，
原本諗住佢地玩好慢既，有好多人排隊，點知我地落到去果時佢地已經玩完啦，我地之後去左睇水母，超級靚啊，哈哈....
之後就搭纜車落去食野，搭緊果時神婆同我唔敢望，佢仲叫左出黎，我地有d誇，不過真係覺得佢好恐怖，
之後就去左兒童王國玩，玩完之後我地就去左睇熊貓，4隻之中得安安走黎走去，
不過新黎果兩隻唔知邊隻訓覺果時對腳都會郁架，好kawaii啊.... 之後郭珊珊就走左啦，我地就搭返纜車去上面玩，
上到去我地睇左果d館先，之後先玩機動遊戲，不過我淨係玩左果個鞦韆，其實我都想玩海盜船，不過睇人玩完之後又唔敢玩啦，
之後我地3個就去左坐摩天輪，不過神婆唔敢，佢就係下面等我地啦，初初上到去有d驚驚地，不過之後又冇咩野，
玩完之後差唔多8點度我地就走啦，返到元朗之後我地就去左食野，返到屋企11點幾lu。
|
