前日岩岩先同ar爸,大家姐吵完,琴日又吵,雖然我地細細聲吵,不過好嬲,佢地講d野都冇道理既,句句都搵藉口既,幫晒大家姐,佢地愈吵愈大聲,我地細細聲講,佢地就差唔多吵到成層都知,個陣差唔多食飯,我,我家姐同大家姐都仲嬲緊,我要個樣送,我大家姐又夾,我要邊個佢又夾邊個,激死啦,佢係咁玩,連食飯都冇心情,食左好耐先食完,根本冇胃口食,到左差唔多訓覺既時候,佢地又無lala又吵,我都唔想吵啦,我就冇理到佢,我就上床訓,訓黎訓去到訓唔著,根本冇辦法訓著,到左好遲,先訓得著

 第二日(姐係今日),我一句野都冇問過大家姐,只係佢問我野我答佢,唔知點解心情唔係太好,笑到冇笑過,街又唔想去,電腦又唔想玩,野又唔想食,唉...其實我想同我大家姐吵既咩,係大家姐次次無lala係到吵,好似想吵架咁,次次我地吵到好細聲,不過我ar爸就會幫我大家姐,得我同我2家姐,我地兩個邊夠佢地兩個鬥呀,佢地講d野根本就唔關事,冇道理,我地次次都唔想吵嫁,我地都想開開心心,其實有時佢都到我地幾好,不過佢地係要咁,冇辦法!我都唔想,我好希望可以開心d...

  點解家姐係咁嫁,係ar媽ar爸面前扮乖,鬧個樣鬧呢樣,ar媽ar爸唔係到就咁衰,唔比佢玩電腦又嬲,佢要玩邊部就玩邊部,雖然佢有時都好人,不過有時唔係好鐘意佢,ar媽佢地又錫佢多d喎,出街出到11點幾12點,鬧幾句就算,我地出街出到5點幾6點就鬧到好勁,仲同人講,又話我地d朋友唔好,其實都唔係我d朋友不知幾好,我大家姐d朋友都唔好得去邊姐,成日改我地花名,又整估我地,唉...但ar媽係都錫佢多d,真係冇辦法啦,ar媽係又鬧唔係又鬧,我去緊次所,佢唔知有人,就開左門,點知係所左門既,佢就會鬧我話,唉,頭先又唔去,已家我要沖涼你先去,如果係佢沖緊涼我地唔知,佢就會鬧話,頭先冇人又唔去,我沖沖下涼先去,唉,真係麻煩,咁佢講晒啦= =''哼!!!激死啦,食飯又不咁多比我地,我家姐就好似攞黎餵貓咁,好少,食肥我lo...我成隻豬咁肥仲話要食多d,我家姐比我肥d,我ar媽就話,佢咁肥,食少dY麻,乜我都唔係肥咩,唉...不過,我想問,減肥係食小d得既咩?細個既時候ar媽ar爸根本唔係咁,細個既時候佢好錫我地嫁,到大個左就開始亂鬧亂打啦.唉...都過左去啦,冇用lo...

  今日係星期日,唔洗返學,媽咪又唔洗返工,家姐又同朋友出街,ar哥又出街,得返我,家姐,媽咪係屋企,佢實搵野黎鬧啦,慘啦...我買左幾張聖誕卡炸,唔夠呀,唉...唔知點算好,如果我大家姐唔同朋友出街就好啦,我地可以去青衣,我地可以自己去既,不過...不過敢去唔敢返,我地差唔多次次都係夜晚返嫁,好驚呀,唉,為有好似自閉咁啦,留係屋企好似坐牢咁啦...

 今日係陳情怡既生日,佢邀請我參加佢既生日會,係m記個到,我一去到個到,見到好多人,我冇入到去,係出面,我知道洪莉都會去,所以我等佢,我地等左好耐,佢都未到,然後見到陳xx,張xx,陳xx佢地,佢地每人都有一支創,佢就係我耳仔旁邊射,雖然冇子彈,不過好大聲,然唔唔知邊個將張xx堆過黎我個到,撞到我好痛,然後我冇理佢地,過左一陣之後,就見到洪莉啦,我同洪莉一齊入去,然後就開始玩遊戲,不過我冇玩,佢地都無玩,我地就坐左一陣,然後佢地就話叫我地叫野食,我地都冇叫,我地又再坐一陣,佢地就話影相,食蛋糕,我地又話唔食,不過佢地放左係我地到,我地就食左,然後又叫雪糕,凍死我地啦~不過我地乜都唔食,不過識左D人,都幾開心,然後就抽獎,派禮物,然後就去Lo... (我地食雪糕既時候好好玩,因為我地...)  

  今日,考完識之後我返屋企啦,返到屋企ar媽仲煮緊飯,我就等佢煮好,我係到玩電腦,然後媽咪出左黎,佢好火,無lala搵野黎鬧我地,諗到野講就講,佢不停鬧我地啦,然後我同我家姐就叫架,愈叫愈大聽,激到我ar媽打我地,然後佢打完又打,其實我地已經冇講野,佢仲講佢講得好大聲,我耳膜瀑啦,佢鬧完就出去客廳,然後我.家姐同ar哥細細聲講佢,然後ar媽聽到,就鬧我,呢到有3個人,佢個個都唔講,係要講我,唉...做乜都冇心情啦,佢鬧完我又打完我之後又出左去客廳,然後唔知邊個旭張【桌子】整到我,我痛到大叫,ar媽唔問清楚又再打我,個時,我覺得自己好似死左咁,做乜到唔想,我覺得佢地最唔石我,次次乜野都唔問清楚就指定係我,我又唔係成日激佢地,只係有時唔聽話,我地4個都係咁嫁啦,ar哥,大家姐,細家姐,我都會唔聽話激佢地,點解係要咁呢,由細到大,我ar媽打得最少係大家姐,佢又唔係聽話,佢係ar媽ar爸面前扮乖女,佢地一唔係到,就份付我地做野,雖然我地屋企有兩部電腦,不過我地都唔開心.因為我地玩玩下大家姐又話要換電腦玩,唔換又嬲,其實佢唔係一個真既乖女~唉...如果已家有個朋友同我傾計就好lo...