今日本黎諗住一大清早就去打波...
7:35am有專人打電話黎叫我起身~
7:40am:我由牀下到地面,
即刻比mama叫停了!

跟住問我,又去打波?打到幾點返?
次次出親去都出成半日!d風扇都去清潔!
書又唔溫!唔係打波就電腦!
成日掛住玩!其他野唔洗理架啦!
話完一輪之後,佢又話:拿~你去打波要早d返!唔好又日!

..........
我討厭並非佢話我,而係討厭佢話完我之後又準我去打波.
但比佢話完一輪已經無晒心情打波架啦嗎!
咁我就同佢講啦:唔去啦!
跟住又上返張牀訓覺.
佢再話:唔去就算,係你自己唔去!

唉...一家人都係咁...
有幾多次係真心放我出去玩?
有幾多次唔係咁樣黎話我?
有幾多次因為咁樣,我而無去?
係屋企,我有幾何會笑?

部電話一日開到黑...
一個月都只有三兩個人打比我~有咩用?
宣傳電話.....
都唔知要部電話黎做咪!
佢根本就唔會打比你!
如果係發夢既話,都會有機會既~~
msn又會有幾多個會同我傾下計?