今日放假冇野做, 訓到12點幾先起身, 落到樓下玩電

腦, 但係冇咩玩, 所以打電話俾燕虹, 叫燕虹一齊去海

聯廣場度行街街。不過燕虹2點幾到, 而我就遲咗少少

先到。跟住我地去咗綠悠軒嗰個商場度睇咗啲衫, 雖然

好靚, 不過都幾貴下, 睇咗一陣冇耐就走咗去海聯廣場

度睇衫、睇鞋。行咗幾間, 嗰啲衫、鞋都唔錯, 價錢都

算合理既, 期間我地見到盧柏亨同埋鄭康盛一齊去剪頭

髮。最後都係冇買到衫, 反而燕虹就睇中咗對銀色、有

蝴蝶結既鞋, 好靚, 好岩燕虹架, 只係買咗75蚊啫, 唔係

好貴。然後我地都覺得好肚餓, 就去咗m記度食野, 當我

地去睇下買咩好嗰時, 竟然見到胡廣洋喺度做野, 嚇咗一

跳, 跟住我地買咗野食之後, 就搵位坐低食, 食完之後就

走啦, 點知又俾我撞到以前小學既同學--許進博... 唉~

都唔知係黑仔定好彩, 一日之內竟然可以見到4個我識既

人, 真係好勁呀, 超無奈呀...  ( - _-")