真係估唔到我呢個爛鬼日記無寫兩年有多

竟然會有人入黎睇仲留埋言真係唔知點講好喇

總之有入過黎又好留埋言又好點都好........多謝你入黎

至於日記我其實之前都有諗過打番嫁......不過無乜野值得記低

所以一直都無乜動力去打...........之前入過下黎想將以前D無聊日記刪晒佢....

刪晒之後再打又好由得佢繼續空又好話之佢死...............

雙失既生活無乜野好記低..........只係如果要講就係有得讀就唔好唔讀唔係既話....

到你出左黎做野又想讀番書就真係後悔黎唔切......呢個就係我呢兩年一時有工開一時失業所得既結果

至於之前有個人入黎留言問我信左主味......我可以答我信過好多次返過好多間教會.....又離開過好多次既人

我E+都有返緊一間教會仲返左3至4年但係我越黎越唔想返去喇同ｄ人無咩好講

佢地全部唔係讀緊書就有野做緊同我呢個經常雙失既人根本就係唔同世界既人完全唔既岩我睇黎我又就快離開呢間教會

咁你可能會話你係信主返教會同人係無咩關係.......錯......同人唔岩咁不如唔返好過返

至於你話多ｄ禱告會對你有幫助........我最討厭就係禱告......神與我同在....我感覺唔到

因為我祈親都唔見有效成日就話要等等神去做野我等左好耐等左好多次你仲要我等到幾時啊

今次我祈禱就要我等我等左6個月都唔有咩好野發生我依舊都仲係雙失工依舊搵唔到見工依舊唔請.....

我係罪人而且係外邦人野狗唔係以色人羔羊!!我同神既關係已經可以話係斷得同天和地般那麼遠...........

幾本上我同唔信既人幾乎係無分別!!

我信上帝創造世界我耶穌為世人既罪釘十架而死死後復活信祂得到永生......除此之外乜都沒有再深入

人係萬惡既根源人係醜陋有陣時人做既野比起動物更加不如...............我唔喜歡人類...............