一連兩日既聯校運動會完結!

終於可以好好休息

非常有意義既兩日運動會

我第1日3級跳同跨欄

3級跳好唔掂 應該係太耐冇練喇 D對手唔勁 但係當日既表現實在好垃圾

而跨欄有開心有唔開心 唔開心係入唔到決賽 冇機會拎牌

但係開心既係我10個欄都做到3步 KENNY都諗我淨係可以3步欄過到5個欄過唔晒10個

而且PB左 之前公民田徑賽我19秒幾 今次16秒95 快左幾秒 好開心 同埋都係岩岩好第9名入唔到決賽

已經好滿足喇 練左1個月都冇 有呢個成績已經好好好好好

今日我就跑4X100m 我第3棒 我真係估唔到會跌棒

我地之前個個練交接棒都好好 不過田徑存在既變數實在太多 就好似女乙咁 點估到拎緊第1跑跑下都可以仆低左

多謝支持我果3位 專登落泥幫我打氣 不過真係o咀 我仲諗可以好好咁完成呢場比賽

本身我仲諗著第2棒唔會跑 點知佢突然衝過 我亦都由頭到尾冇諗過就咁唔跑 我o著咀企係跑道都係等佢

我真係盡左力喇做第3棒 跑道上得番我既隊友 其他人都已經衝晒線喇 最後當然就係交比第4棒啦

我覺得表現已經好好 我都追番第4棒搵番晒d人互相咁安慰下 第4棒呀偉好唔開心咁:(  因為我地本身係有機會架

呢次既失敗我覺得係開心 果種感覺 就好似係田徑場上出現果d感動既一幕 其實唔感動但我覺得非常有意思

而甲組我先覺得唔抵 我乙組真係覺得冇咩野 唔係咩大事 但係甲組真係有實力 本身有得爭第1第2 但係跌棒

真係好可惜 呀隊長鄭嘉駿跑埋今年就冇lu 田徑比賽實在太多意外冇得估計 冇人錯 不過真係冇辦法 真係好可惜 

一team人果種團隊既感覺 就算贏輸都好 呢種感覺真係好好

田徑隊 我真係冇揀錯 我係田徑隊真係好開心 我真心鍾意田徑呢樣野

訓練雖然係好好好辛苦 但係突破自己既極限真係好開心

今日真係好開心 當隊長拎著支旗帶著我地 我地一路跑一路叫 真係好鍾意呢種感覺

1班人一齊衝一齊跑一齊咁叫 一team人既感覺真係令我好高興

我好嚮往隊長帶住旗係咁跑 所有喜悅係果一刻爆發晒出泥

我呢次一個獎都冇拎到 但係我可以肯定就算我拎唔拎到獎都好 我最開心都係會係一班人一齊跑呢種感覺

全個聯校運動會最開心就係呢一刻  我真係好鍾意田徑 同 田徑隊!

令我得到成功感 , 朋友 , 友誼 , 溫馨 同埋好開心好開心好開心

好多人玩田徑運動可能最大既目標係贏 不斷咁贏 玩好多既比賽

而我可以講我唔係一個好勁既人 我每次比賽亦唔會係最勁果1堆人

但係可以一齊辛苦咁訓練 一齊比賽 開心既一齊慶祝 唔開心就搭晒博頭

一team人既感覺 呢樣先係我留係田徑隊既目的

贏都係其次 因為我都唔勁哈哈 但係真係好好好好好開心

好似長左少少 唔知會唔會有人睇晒呢? 希望會啦