今日係2012年12月22日  夜晚 好凍!

一早就想打QOOZA架喇  不過特登過左末日先打ha

20號   校慶 30周年校慶 唔知係咪我感受唔到呢 好似同以前果d冇乜分別咁

要做長跑工作人員pk  搞到冇得長跑添 其實我好想跑pk

不過都幾得意既 係山上面幫人打下氣咁 

下年一定要全班一齊跑拎班際獎!!

做完工作人員番到學校d野食都賣晒咁濟 得番袋凍左既春卷比我呢個好心人買埋

其實我好想感受下校慶既所有野 睇下波買下野食玩下攤位睇下野咁 不過又有學生會番到泥又要幫手一陣 不過之後都上左去聽卡拉ok haha

跟著又係咁過下過下又完左 番到屋企樓下果陣 我見就泥末日 諗著買d想食又好貴平時又唔捨得買既野食

我去左阿信屋睇左好耐 我發覺真係好貴 結果我都係乜都冇買就走左

又番到屋企  呢一日又係好簡單咁完左 呢一日我就好耐心咁等末日既來臨喇

但係其實又係咁過 又係打機 又係食飯 又係訓覺 個末日氣氛睇泥冇之前咁濃厚添

21號 聖誕聯歡 又話著班衫笠PE衫 跟著全班都著晒便服 好彩我都冇中伏

一起身 陽光普照 異常既晴朗 世界末日呢?

不過好似話係香港時間下午兩點 但係又有話係3點3 又話5點又話7點12分又話8點

都唔知邊個係 唔緊要 時間會過的 咁我就慢慢等啦

一番到學校 要聽個唔知咩ON9講座 有一堆明星 不過我全部都唔識

不過有個BEATBOX好勁 咁就算啦都算係有個幾正既表演

跟著聯歡開波 食野食野食野飲野飲野飲野  其實我食得好少 D野好快清晒 不過都好既好過浪費食物 同埋都幾好食我下次應該食快d

跟著緊係玩啦 我諗著       點知佢地居然話睇上次英文堂未睇晒果套戲 算啦都幾好睇既 但係點解唔一齊玩呢咁開心

跟著睇完 原來仲有時間玩既嚇死我  跟著玩耍盲雞 頂包揼少走 我出剪 好ON9我真係冇心 跟著搞到要我做PK

其實黑晒真係好驚 好驚撞到野 搞左勁耐先捉到人 重見光明

跟著又好快咁完左  唔知點解由細到大次次聖誕聯歡完左我都有種好唔捨得既感覺 唔知點解 小學已經係咁

走出班房 我拎部手機出泥望一望 冇記錯果陣好似咁岩係13:59 我見出面藍天白雲 好和平

唔緊要仲有一分鐘 都仲未到 我擺番部手機落袋 跟著我地成班就去影相lu

跟著又係咁 完左 離開呢間學校 番屋企等呢日末日睇下有冇d咩事發生

點知唔講都唔知一早過左兩點 風平浪靜頂你個肺 不過算啦都預左 但係呢日都仲未過!

我又見幾肚餓 我見都就泥末日我諗著食我好耐都冇食過既印尼撈面

我走到落樓下 我發覺真係好肚餓 所以我決定睇下kfc有咩食

我叫左個家鄉雞皇飯 我見冇咩人 我就呢埋一邊 自己一個堂食呢個家鄉雞皇飯   好浪漫    果然   好好味

食完之後我走出kfc既門口 去到對面既7-11  我拋開理性  用8蚊買一個撈面 我真係好豪

我諗著拎上屋企自己一個人食 點知屋企人番左泥 想靜靜地欣賞呢個麵都唔得 唉

不過呢個麵煮得太耐 太林 我煮會好食好多

就係咁 時間不斷咁過 好不知不覺間所謂既末日果d咩j時間全部過晒   顯然 都係乜事都冇發生過

就係咁  完左 我記得我曾經講過呢日既夜晚我會出去散步 但鑑於末日氣氛太淡既關係 我都係訓左覺

22號

估唔到 咁就完左 我期待左咁耐 就連我自己都好簡單就咁過渡左呢一日

雖然我都知係冇可能 但係我仲諗著會有d咩特別事會發生

點知居然仲平凡過平日 不過算啦 唯有係咁啦haha 又要繼續生活

冇末日 死唔去添 唯有自己搞掂啦

係時候上路喇 你要加油呀曾偉俊