珍珠來襲......3號風球中.......
今日6點15分就起咗身喇....因為今日要著老西呀
我地要去<四季酒店>參觀.....期待中!!!
搭mtr個陣....總係覺得自己好怪....可能著唔慣啦
約咗jason喺中環等....遲咗小小ccc
返到學校就開始上堂...要食埋飯先可以出去呀
到咗12點幾...我地就開始搭巴士落中環.....點解我地會冇校巴坐架!!!
落車個陣...超級大風大雨呀....成身都濕晒!!!
套老西第一次出街就要臨雨....shit~
個死人Leo扮傻仔.....笑到我地肚痛wakakaka
見有d時間....我地就去咗行citysuper同去飲咖啡~
開始參觀喇...真係超靚呀!!!
標準房$3900一晚....套房$20000一晚....仲要未nn喎!
哇....2萬蚊一晚....我使鬼住你呀....我去日本玩3,5,7日唔好? 有病!!!
跟住去餐廳參觀, 好正呀....遲d有錢一定要黎試下!!!
今次我地冇茶點食呀....唔公平bor....睇房又淨係睇咗2間咋
到問問題個陣...本身我想問架....但係果個人拿拿臨就話"咁唔阻你地放學"
去死啦你...你地多野做就大晒呀....唔得閒就咪鬼今日叫我地黎!!!
到咗4點幾....就可以走人lu~
我地去咗食野...之後幫shirley搵碟....咁都搵到...好野~
| 
