今日係星期六，

所以就要去上水學琴。

(雖然今日係香港嘅回歸紀念日，但係都要學，真係慘．慘．慘呀><)

今日我成招早11點幾先起身，

哈哈！

係唔係好勁呢！

一起左身，

就緊係開電視啦^^

開開吓，

就開始冇咩節目睇啦＞＜．．．

我就好乖咁自動自覺返房練琴．．^^

但係我間房實在太熱啦！

所以好快我就走左出來──

即係話我好快就練完琴，

(我好奸呀！＞＜)

時間過得好快，

話咁快又到左食飯嘅時候啦！

今日媽咪整嘅係炒烏冬，

真係好好食嫁！＞＜

食完之後，

做左ｄ功課(數學)，

就出門口了(下午2點幾啦...)。

因為我同媽咪好快就等倒車，

所以去到上水之後，

仲有ｄ時間去行一陣街街，

係呢短短嘅時間之間，

媽咪buy左隻$65的手錶比我(係男色嫁！──我好鍾意嘅顏色)

果陣係3:35p.m.，

我同媽咪就開始去琴行果邊嘅商場，

首先就去交學費，跟住就開始學琴啦．．．

哈哈，學完琴，媽咪仲請我食雪糕呀．．．

(雲呢拿同咖啡味，都幾好食)不過都幾貴，

要$13，

真係有ｄ唔捨得比呀＞＜

不過，都係比左．．．（緊係媽咪比啦^^)

食完之後，

我同媽咪差d唔記得buy鞋呀....

我地就去簡啦，

結果就簡左對$99.9的......

我同媽咪又去左『舊墟』，

結果就buy左一把$20嘅遮、

$2嘅橡筋.......

行行吓，

仲見倒雪雯嘅媽咪──

我就叫佢：沈沈！，

媽咪同佢傾左好耐呀(講一ｄ關於姑婆嘅野．．．．)，

佢地仲要唔係坐係倒傾．．．

咁先慘呀＞＜唉........

佢地傾完之後，

我同媽咪行多陣就返左屋企啦．．．．

嘩！今日都buy左好多好多野呀^^，真開心呢！