昨晚自己係度諗,依5~6年內我發生過既野,遇到既人,

自己既朋友圈子...本來只在學校識到朋友,到係網上識朋友.....識既朋友越來越多,

但真心知己就好似越來越少咁,唔知點解....

識左n年由同學變成好朋友既朋友,現在已經好少聯絡,

我就發呆地諗點解呢....答案就係...『大家都認識了新朋友,同埋大家既生活圈子已經不同了...』對嗎??

有時真係都幾灰,每個識我既朋友都認為我好似好多好朋友咁,可能我性格比靠易相處同埋傻傻地,不會被人討厭的那種,

但係我都唔知點解-.-好似無乜知己朋友,由其係女性既朋友-.-真係買少見少.....

我試過問其他人知唔知點解,佢地都會答『一山不能有二虎』 --.--真係吹漲...

到愛情,依5~6年黎真係同過好多個拍拖,但有一半都好快散,無乜回憶ga,

其中最深刻既,就只有3個....<今次日記寫第一個比大家知先啦@.@"明天再寫下一個..>

第一個就係我中四人生中第三次拍拖既yellow,依個可以算係人生中最多回憶既一個...

最深刻既係...我竟然肯讓他給第二個女仔<名字叫"含撚咀">,而靜靜地同佢同地下情-.-"...<--好難明吧??

等我詳細d咁講啦....唔好怕太多字wo=0=哈哈...

本來我同yellow拍緊拖的,非常恩愛令很多人都妒忌的那種,

點知含撚咀突然搵番yellow,<"含撚咀"係yellow之前溝不到的女仔>,話想同yellow一齊,

yellow係一個好勝既大男人,好勝既意思就係不肯認輸的那種,依個時候他好苦腦,

因為我對佢真係超級好,而他又很愛我,但同時也愛她, 三角關係真係好辛苦,

我見到他兩邊都不知如何選擇,我就決定了一個超級on9既決定,

在一個晚上係佢屋企中同佢講,

『我知你係一個好勝既人,得唔到既野就越想要,所以我決定比你同佢一齊,我會等你返黎搵我...等到你同佢散再同我一齊,

因為我太愛你,唔想你辛苦...我亦唔想放棄...』

我講完之後我就忍住眼淚,正諗住沖出佢屋企門口既時候,他拉住我的手,對我說:『咁樣對你好唔公平...』

之後我就講:『無法...鬼叫我太鐘意你...』之後佢就攬住我喊住講:『對唔住...』我忍唔住眼淚了-.-...不停地流....

之後我話:『放手啦,再唔放我會唔捨得...』過了一陣,他就送我落樓,我坐的士回家,離開前..我同佢講左一句再見,

我就唔回頭看,沖上的士....眼淚一直流流流流流.......回到家的門口,又要變番無事的樣子...因為我唔想比屋企人知....

諗番起依一段回憶真係心酸--.--...亦都覺得自己好on9....仲有d 比依段回憶更on9既事....

等我再講埋之後既事啦@_@"...

回到家後我去了沖涼,係廁所入面一路沖一路靜靜地喊,開始有點後悔既感覺....不過已經決定左無得反口-.-"" 超慘...

日後就係等yellow回頭既日子,超辛苦 ,超難捱.....我慢慢地開始學食煙, 學飲酒....變壞了一點,

每天放學都唔想返屋企, 同apple佢地一齊坐公園食煙....玩....,每次都玩到天黑先回家...日日訓覺前都喊....

有一次放學係公園玩打排球, 點知比我親眼望到yellow 拖住 含撚咀 行路回家,個心真係超級痛,隻眼開始變濕了,

我仲特意大聲笑, 好想比佢知道我見到他, 之後我特意將個波打到牆後,跑去汁,一去到牆後我即刻喊-.-""

apple見我禁耐都未汁番個波就行去牆後找我,我見到坐左係地下度喊-.-.......非常無奈,

之後佢就話:『依d人唔值得你為佢喊,咪鬼等佢啦!醒下啦..』...之後平靜左落黎就回家去了....

大約佢同含撚咀拍左一個月拖左右,我決定了一樣野,就係搶番佢!!!<本來亳無機心的我,變成了一個非常可怕的女仔!!>

之後每日放學都無去玩,大家知我去邊嗎??

我買豆腐花...啫喱...等等去了佢家門前放下,之後靜靜地走到佢屋企後樓梯打比佢,叫佢出黎收野...

之後我知道佢一定會問我係邊度,我每次都話我回家了...但有一次竟然比佢找到我躲左後流梯...

之後佢攬住我, 問我:『點解你禁傻....』我就答佢:『因為我鐘意你, 覺得幾辛苦都值得...』

佢帶我回他家坐,之後仲.......#@%@#$%@=_______="

<講比大家知一個秘密啦,我隻豬就是給他吃了!!不過唔係依次...而係拍拖的第二個月...>

可能大家都會覺得我好cheap, 但這也是女人的武器之一@_@"...

中間d野仲有好多,我都廢事講=0="....總之最後我終於嬴了....佢同個八婆散了....呵呵!!!

雖然短短半年,但好似苦戰左十年咁-.-""....

散左之後我同佢無即刻一齊番, 因為他覺得對我太衰, 好內久....不過我無死心到-.-v 全力的令他溝番我...

最後係2個月內令佢回來我身邊=0=v" 不過又有隱形情敵出現了,『岡山易改,品性難移』...

我的好朋友"嘉愉"同yellow玩得埋左,開始有點過份,拉拉且且不特止,有次小息"嘉愉"竟然拖住yellow上班房,

我即刻發脾氣....一個好朋友,一個我條仔,點解可以咁? 之後yellow就話玩下架咋,同佢都無野ga,

我緊係唔信啦,不過都係忍.....鬧交很多次, 最後好彩都無發生什麼事...但我個心又再次碎-.-...

不過拍多一年多,我開始打online game,識了很多的人,

我的心和人都開始變了,變得花心了....因為生活圈子大了,發覺自己既吸引力都不錯,引了不少狂風浪碟...

而且之後同yellow發生太多令我心碎既事情,開始想離開...他...

最後緊係我同yellow講散啦@_@"...分手之後的第二天晚上,yellow竟然係我屋企樓下大叫:『于子慧呀!!』連續大叫了數十次-.-"

結果我全家人都醒了,問發生咩事,之後我話唔知-.-"丫媽就鬧我:『做乜攪到yellow咁呀,快d落去搵佢啦!』

我當然十分氣憤-.-...無啦啦比丫媽鬧,我就沖落去...

去到樓下見到佢訓左係條馬路度-.-...一路喊....我當然個心竟然一點心痛也沒有-.-....只覺得他傻左...

我行埋佢度,佢就攬住我喊-.-叫我唔好走...佢班朋友就叫我帶佢返屋企啦佢醉成咁,之後我就拉左佢返我屋企訓-.-

返到屋企,丫媽就問我,『你見唔到家姐咩??家姐話擔心你之後沖左落去...找你...』

當時已經係深夜3點, 一個女仔唔理自己危險沖落街搵我-.- 我好感動....原來家姐禁愛我....

不過到了第二天我送yellow搭車時,他就對我講:『放心,我知道點做了,朋友一世嘛!』我終於飛甩佢@_@了...

到了現在我同佢都有聯絡ga,係2~3年前我同佢差一點就一齊番,但最後也沒有...

因為我已經唔係從前單純既小女孩....他亦都改變了不少....一齊番未必有好結果....

朋友一世嘛~.~有個永遠錫自己既人不是很好的事嗎?永遠都有一個人遠遠地間中想念自己都不錯的!

大家係大家心目中既地位永遠都占一個重要地位@_@嘿嘿...好少可做到的!!

我老豆去世了,佢都有黎拜我老豆,都算好有心@_@"

大家有無睇『天國的階梯』依個韓劇??個感覺有點似我同yellow....嘿嘿...

不過當時點解我會禁鐘意佢,係學校既朋友一定知道,但最近依4~5年識既朋友未必知道,想知道既話就繼續睇落去啦@_@

不過我會簡單的寫,因為大家都看了禁多字,都有點悶吧@.@嘿嘿....

<無先後次序的寫,因為我諗到乜就寫乜...>

<事件一>

第一年過既情人節,學生時期緊係無乜錢,所以就去了荃灣新之城行街,點知行行下佢話去廁所,叫我睇住衫等他回來,

我睇睇下衫突然聽到商場廣播說:『于子慧,雖然我比唔到d乜你,但我真係好愛你架!相信我...』我聽完呆了...

之後yellow突然出現番係我面前,我感動到喊了....<人生中第一次感動到喊就係依件事了...>

<事件二>

當時我重讀中四,我的朋友和yellow都升上中五的...

有次放學我在班房汁書包既時候,坐我後面既一個傻佬"龐狗"好似剛剛比老師鬧完,無啦啦發顛拎起張chair掟落地下-.-

剛剛正掟在我旁,差少少就飛左落我度,yellow岩岩黎到我班房見到我嚇到呆左,佢二話不說沖埋去打佢-.-...

之後其中一位同班同學一齊打佢-.-....個時我真係又怕又感動...因為我第一次親眼見到yellow個狼樣-.-....

丫無同大家講yellow既野tim...yellow係學校係頭號惡人-.- 什麼學校渣旗的....嘿嘿!!

所以無人敢蝦我-___-"

<事件三>

中四第一年聖誕節學校歌唱比賽,他在台上唱歌<劉德華既"每次醒來">

望住我黎唱--_______--"<當時我住禮堂的第一排..>

我當然真係又感動又監介....

因為所有人既眼光不是望他,而係望住我笑-.-.........還有d人係台下大叫 『于子慧』....

最攪笑既係,唱完之後...既訓導主任"王sir" 係台上講:『王式俊,你睇下丫邊個邊個面都紅曬啦!!快d睇下佢啦..』

攪到全場笑聲-.-""不過我當時真係幾開心....幾架勢!!嘿嘿...不過佢唱歌真係好好聽=0="超林....

又有次學校係葵青劇院攪活動,yellow又被請去唱歌表演,今次我坐得後一點的,但他也找到我-.-望住我又唱...

今次又不例外地差不多全場也大叫于子慧-.-....我諗我個名全校都無人唔識了....

個主持既老師今次講得仲攪笑:『丫...王式俊,你乖左好多,無再攪事,真係多得丫x小姐..』

全場又再次起控-.-.....真難忘....

<事件四>

第一次返大陸唔係同屋企人,而係同yellow,住了好像三天,去了很多地方玩,最重要既係影了很多婚紗相@.@"超難忘...

<事件五>

第一次帶男朋友比丫媽睇,仲要係比yellow呃上去的.....事情我都不寫禁多,仲之超攪笑....

<事件六>

年尾他帶我上山頂倒數,踏正12點他錫了我一下之後說:『我要你做我最後既女朋友,亦都係最後既老婆,之前發生禁多唔開心既事,

對唔住,我既好勝傷害了你很多次,但從今唔會再發生,永遠只愛你一個,我愛你呀,老婆』短短幾句說話,但我聽完又再喊了...

總結禁多野,同yellow一齊係我喊得最多既一個-.-最感動亦最多事情發生既一個....

所以他是我到依架為止地位都無人能及既一位@_@"但日後我就唔敢肯定了,嘿嘿...

今晚我要去出海釣魚了,大家快d幫我祈禱釣到大大大魚@.@"嘿嘿...

聽日就同大家講埋第二位深刻男友@@"依個人令我變成一個世界上最cheap既女人-.-"

都係個句『愛一個人愛得太深,係一件好可怕既事!!!』

大家有空既時候,閉上眼,想想你的愛人在很多人面前唱『每次醒來』給你聽,希望你地會有我這種幸福的感覺啦@_@"

我放半隻每次醒來做日記音樂啦@_@"因為容量太大-.-不能放全隻....

明天待續吧...打到手軟...嘿嘿...不過好有FEEL....