零晨1點至兩點左右,
電話突然向起,原來細妹打黎,心諗:『佢做乜禁夜搵我ga...』..
之後聽電話,佢一聽到我把聲即喊,又大叫屋企出面"聽"有鬼聲,
聽完呆左一呆,再問佢咩鬼聲,佢就話聽到有人係出面開風扇既聲,
又話佢同學都聽到<係電話入面>...聽完之後我就安慰佢無事ga,
開大個啦巴fun歌先,之後立即叫丫媽起身,之後比個電話丫媽聽,我就立即換衫call的士飛過青衣搵佢,
之後家姐又打黎,叫我小心d,又問我驚唔驚,我就話唔驚!
出門口前我打比miner叫醒佢幫我落去我青衣屋企睇住我細妹先,
之後先攪笑,我細妹唔敢出門口開門比佢-.-...講左一陣佢終於肯開門比miner,我先放心番d..
之後我開始出發,丫曦就問我係咪唔驚架,洗唔洗佢黎陪我,我初初緊係話唔驚啦.-.-.
但識我既人都知我最怕鬼-.-...後尾都係叫曦陪我...
之後去到青衣屋企留下打比miner問佢點,之後佢就話我細妹無事lu,我就叫佢去電梯門口等我-.-
因為我都驚-.-....
上到去,見到細妹無喊lu,又見到佢兩個同學黎左,咁就問miner到底發生咩事,
miner就話『我一入黎你屋企,望住個風扇都無郁,但都聽到有聲係廁所入面,之後去望下~~聽得深入d,
發覺係樓上傳落黎既聲音,再望下,原來樓上整水渠-.-""之後打去管理處吊鬼..』
我聽完o曬咀-.-...都唔知好嬲定好笑...件事大約係咁了...後尾丫曦都黎左陪我成晚,開心死=0=..
到夜晚丫媽生日食飯,傾開依件事,大家姐就話我扮曬唔驚,其實最驚-.-...
之後丫媽又同細妹講『你睇你二家姐幾緊張你,聽到你有事即刻飛黎搵你,係咪好warm呢』
之後細妹就話『係呀,我都有同我d同學講我二家姐救我』
後尾丫媽就講番之前d事,就對住我講『記唔記得上次夜晚晚屋企樓下yellow發顛大叫個次呀?你飛左落去,
之後你大家姐幾擔心你,自己又飛埋落去搵你,後尾我都想飛埋落去搵你,夜晚晚個個都無諗到自己既安全...
諗起都好好笑...好warm...』之後我就笑了一笑...
雖然大家有時鬧交,打交咁,但其實大家都好錫大家,因為一家人嘛!!
當老豆走左個時,我覺得天對我唔好,搶走左我老豆,係世界上最慘既人...
但諗深一層,其實天對我都算係咁,好過其他屋企...
因為我家人都好愛我...同樣地我都好愛佢地.... |
