今日一早....7:45 俾親愛的叫醒囉﹐當時知道已經係7:45我心情真的好紋呀﹐叫左你係7:00叫我起身﹐你就足足遲左45分鐘囉﹐我約左人架嘛﹐我唔可以遲到架﹐表妹會惱死我架嘛﹐你都明架啦﹐係咪先...但係無奈既情況下﹐我都係起身去沖涼囉﹐我非常快手架...真係好快手囉﹐去到樓下俾人撞親囉﹐成個人轉左幾轉﹐型呀我﹐不過好暈﹐果個人就好似捉細路咁拉住我囉﹐係咁道歉﹐但我覺得好好笑..哈哈...算啦﹐本小姐趕時間唔同你計較..跟住搭地鐵啦..好快好快..好急好急~好驚好驚~好擔心好擔心呢..一邊唸死啦﹐一定遲到啦﹐一定俾人鬧啦﹐一邊又唸﹐死啦...去到冇人識架渦..一定唔好玩啦..
去到啦..點知..我係來受罪架囉﹐行餐朦既﹐腳仔好痛﹐我超紋架啦..表妹唔好得我好多囉﹐但佢有媽咪哄﹐我呢.....自己紋囉..講到發紋爭..表妹呢..真的及得上我﹐有過之而冇不及啦~勁呀﹐自己係巴士度撞親個頭﹐就喊..姑姐就話:叫左你坐好D架啦﹐又唔聽!(語氣帶點害怕)跟住茵茵話:我都坐到左啦(喊住講的...)樣子好冤枉好委屈~哈哈..好好笑..好似我呢...令一個我已經誕生了..表妹真的越來越似我~有前途~good~
跟住..我地行完迪欣湖~我就已經開始好紋~好唔開心﹐因為好累呀..(咩咩小女童軍~離譜既﹐行死人咩)跟住就去黃金海岸囉...睇咩金海豚像渦~無聊﹐白痴..晒我腳骨力~哼~下次咪搞我添呀﹐我會發爛喳唔行架!跟住去天水圍綠田園樂園燒野食囉..我見到黑色既羊呀﹐好勁呀我~哈哈..開頭我真係唔知係羊來架囉..問姑姐﹐姑姐話係黑草羊渦~跟住我又見到有鴨子呀~老公..係游水既鴨呀﹐唔係企街架~哈哈..係咪好勁呢..還有呀﹐我見到個BB..兩歲幾到啦﹐希哥咁大啦..行''石春路''行完一圈又一圈渦...好勁好勁...哈哈~真係令我好佩服囉..我一企落去我已經好似殺豬咁大叫架啦...佢..居然行到當冇事......好勁超勁﹐BB你好野~啜卜..其實我唔識你架..算啦﹐益你..跟住..走過陣見到原來都有好多野玩架﹐我覺得自己錯過左囉﹐一去到見到有凳子就坐﹐原因好累呀我...跟住食左燒冬菇..同雞翼..飲左好多野..其實我一D都唔餓﹐但我好累好累...
希望下次再去啦﹐希望唔好再咁趕時間...我想多D時間處於果個地方﹐我愛上了果度.好舒服既空氣﹐好舒服既環境~希望下次有機會會同老公去玩啦~