心情好復雜好難明~只系成日都唔開心，所謂何事?我自己都唔知道~總之心情就唔好啦..日記好耐好耐好多日都無寫啦..一直以來都靠著老公既幫忙，辛苦你啦，我的最愛~自己身體都唔知點解..食完藥，我就會覺得很累好眼訓，自己就會不其然去訓覺..當俾人嘈醒時，自己就會好唔開心好紋..明知個個都為我好所以打電話來問候，但我自己就發脾氣。這是很不該的，但我自己總之那樣做，怎麼辦..我該怎樣去做才不會傷害到任何人，而我自己又不會那麼的辛苦~
而關於日記..我好懶啦..點算，全賴老公幫我啦..多謝你呀老公...請你記住，我永永遠遠都唔會離開你的~不管出面的人有幾多或許有幾好..我的心永遠只屬你李維健的~希望你也愛我到永遠..關於生日禮物..講真呀..老公..你好失敗呀..我小小請求你都咁啦....第時我地點生BB..BB 失望啦..膽小鬼~老公..哈哈..不過呢講到生BB..我真的怕怕，但我好想要BB..老公會幫我架系咪呀?其實系我幫你咋~得你一個先可以擔任這重大任務呀~知未呀~我個BB既Dad....
老公呀..你知道嗎..我生日呢..收左好多禮物呀..其實呢..居然收到XXX渦..哈哈..佢地話其實送俾你架..不過俾我都一樣渦..你會用得著..呵呵..我唔敢話俾你聽..我驚你會話我..呵呵..不過我會留住  第時俾你....哈哈..你估下系咩~然後send信息比我，話我聽，唔好問打來直接問我是什麼..我會尷尬死架..
對於姐姐個BB.....我好失望呀，我以為佢會同我一日生日架..仲可能系新舊歷都一樣果只添架，點知到依家都唔肯出來羅..唔開心~~呵呵..希望佢可以健健康康~
今日日記到呢度啦
明天我回來~
老公~我好愛你~好感謝你~

老婆﹐我都很愛很愛你啊。

今日是我老婆仔新曆生日啊﹐尋日就是佢農曆生日﹐佢大個左少少喇﹐不過在我心中依然是很年輕﹐是實就是年輕啊﹐性格都很年輕﹐很有女性的吸引力﹐像她這樣的女孩﹐我從來沒有見到過﹐也從來沒有結識過。她有著一種與別不同的吸引力﹐引來了不少異性的目光和垂青﹐這對我內心充滿威脅﹐不時有點兒害怕﹐有點兒擔心﹐有點兒不知所措。幸運地﹐我老婆一一給狂風浪蝶吃了閉門羹﹐將他們全都拒絕了﹐給我安心下來。話雖如此﹐我還是怕﹐可是我對她有信心﹐信心會隨著不同的情況增加或者減少﹐產生矛盾。當我跟她傾著電話時﹐她電話總是響個不停﹐可能是她的家人﹐是她的朋友﹐也可能是我的敵人。用敵人有些過份﹐情敵教適當一些。情敵應不是我的敵人﹐我們沒有過節﹐假若他們是常煩擾著我的愛人﹐我夫人又不願意跟他談論半點﹐他就是我的敵人。說到情敵與敵人﹐我想起墨西哥那位對我老婆的長情﹐對我老婆的單思﹐對我老婆的纏擾﹐我真的想打他一頓。我跟他在網上談過﹐他懂得裝扮住可憐來搏取別人的同情﹐而者十分了得。我曾上當﹐我說跟他談過﹐老婆大人很凶惡地罵我﹐最後我容易地知道那人的可恥一面。到現在他還偶爾給我老婆電話﹐而者十分討厭。他太盲目﹐太不顧他人了。說實在的﹐我跟我夫人扣得很緊很緊﹐外面的人是解不開的﹐把他鬆脫的只可能是我倆﹐我不希望做﹐亦不打算做﹐我相信她也不會﹐亦不願意。因為我太愛她了﹐外來的威脅產生的害怕依然存在。

今次係我和我老婆相識後﹐也是相戀後﹐佢既第三個生日﹐我地一齊兩年多了。感情十分十分良好。我有時傻傻地發佢脾氣﹐佢忍我﹐事後都沒有真正惱我﹐可能佢惱左我﹐無話我聽﹐但她仍然同我一齊﹐依然愛我。好多謝你啊﹐老婆。佢大個女喇﹐叻左好多﹐以前真係咩都唔識架﹐講野轉一轉彎﹐或者講得俗語一D佢都唔識架﹐問我佢野點解﹐叫我講多次﹐好過癮架。唸起講野﹐一講到方向﹐佢就要數前後左右﹐淨係數前後都唔得架渦﹐真係太得意喇﹐哈哈。

今日我一點幾先起身﹐一起身就打比我老婆大人喇。由佢把聲聽得出佢好唔精神﹐尋晚玩完太夜訓啦應該﹐朝早又成日都咁早起身﹐難怪你話眼訓啦。點知兩點多D你搵我喇﹐嚇親我呀﹐佢把聲想喊咁﹐其實真係想喊﹐我咪話一陣打比佢囉﹐我出去打比佢﹐個老婆仔又係度扭計喇﹐佢好紋好紋﹐想喊但又忍住眼淚﹐我心痛極了。後來傾左一陣﹐我老婆仔好左D喇﹐識笑少少喇。講到生日禮物就比佢激到我咋咋跳﹐話﹕你再係咁樣﹐不育架喇。我實在自卑比佢咁話法﹐點會不育呢﹐老婆。你唔洗擔心渦﹐你怕無BB叫你媽咪啊﹐實有架﹐一個唔夠就兩個啦﹐你話夠為止啦﹐哈哈﹐你唔好睇少我啊﹐話我無膽。遲D你做好媽咪既本份啦﹐湊仔湊女﹐仲有就係等你老公我收工番屋企(想叫你服侍一陣我﹐但唔夠膽添)﹐哈哈。

老婆﹐我好錫你架。你都要好好錫自己渦﹐唔好整親﹐唔好做有危險既野﹐總之就要乖啦。

老婆﹐祝你生日快樂﹐我永遠愛你﹐我會時時刻刻都掛住你﹐每天愛你多很多﹐ 我要和你一起老﹐永永遠遠在一起。

老婆﹐我愛你。

今日照舊一樣﹐叫個爛訓既老婆起身讀書﹐佢啊﹐真係成只豬仔咁架﹐不過佢果時係最溫柔的﹐真係好溫柔好溫柔﹐如果係佢隔離既話早就錫左佢一啖﹐一啖可能嫌少啊﹐咁應該要兩啖先得﹐兩啖就驚到佢嫌少﹐咁三啖就應該勉強夠啦﹐講真﹐真係好勉強﹐因為我錫幾多啖都係嫌少架喇。我自從同我老婆一齊寫日記﹐我真真正正學識左一樣野﹕慎言。慎言對我來講真係尤其重要﹐因為我老婆實在太勁﹐在佢面前﹐我不得不投降﹐我唔投降只會係支持多一陣﹐一陣之後我就會好慘。今晚差D就要1000字﹐我再唔應承佢就九成1000字﹐好彩我老婆仔你錫住我﹐要我寫700字姐﹐真係多謝佢喇﹐點多謝佢好呢~~~嗯﹐決定左係------以身相許。老婆仔﹐記得喇渦﹐記得叫我以身相許喇渦。你依架心度肯定有一句說話﹕喊濕佬。係咪呢﹖

老婆仔﹐唔好成日話唔開心啊﹐你又唔知你講唔開心時把聲特別唔同﹐好溫柔咁樣﹐感覺亦都特別唔同﹐好想錫你啊﹐哈哈。呢個錫唔係吻啊﹐係唔知點解果個錫啊﹐唔係衰野﹐你都唔好唸衰野啊。你唔好怪我叫你唔好唸衰野﹐因為你對我實在口不擇言﹐咩都講得出﹐又唔知你老公我唔知點渦﹐又話我讀理科﹐你估我真係唔知你講咩呀﹐識你咁耐﹐你條尾仔育下我都知咩事啦﹐你問埋我D咁既問題﹐你話我講咩好喇﹐我反應都唔知點比你好。我都係男仔﹐你係女仔﹐我講左你又問深入D﹐整幾個點解點解﹐我就真係問自己點解講個開頭喇。仲有啊﹐你自己咩野﹐就要我自己認係咩野﹐咩野你知架啦﹐我呢度唔講出來喇﹐因為人各有眼﹐隔牆有耳﹐我當然要顧住我老婆仔你喇。不過呢﹐睇過你日記我寫果D呢﹐我既威嚴就無曬啦﹐比你囉曬﹐我真係幸福﹐哈哈。

睇來呢度都未夠字架喇﹐但我唔可以收筆渦﹐因為我老婆咁小既要求如果都做唔到﹐我老婆仔話唔開心點算呀﹐佢唔開心好大件事架﹐就好似出面陽光普照﹐我心就好灰喇。唔係灰心渦﹐哄番佢就實要啦﹐仲要佢笑番渦﹐佢笑就真係甜喇﹐哈哈。唸起你以前問我﹕你點知我口甜舌滑架。哈哈。古靈精怪﹗再者﹐如果我連700字咁少既要求都做唔到﹐萬一我老婆話﹕你小小野都做唔到﹐第時點養我啊。咁我就真係無言以對喇。老婆仔﹐今日講笑咋﹐話第時去咩咩個有錢既異性老人﹐囉曬佢D錢﹐真係講笑咋﹐唔好擺係心度啊。我點捨得離開你呢。

老婆﹐我愛你。

我老婆今日又發燒﹐把聲都無曬精神咁﹐真係心痛﹐唔講佢都唔會知。我牙又痛﹐為左呢篇日記﹐等到同屋企果個反面先有得寫﹐成晚係度整網頁﹐又慢整到依家十二點幾。其實我驚日記無寫﹐我老婆又唔開心﹐佢日日都話唔開心﹐可避免令佢唔開心既都儘量避免。老婆仔就快生日喇﹐希望佢事事如意﹐日日都健健康康開開心心。

老婆﹐我愛你。

今日我老婆發燒啊﹐佢叫我代佢渦﹐其實佢唔叫我﹐我都會寫架啦。邊個叫我同佢無分彼此咩﹐個老婆仔D說話又的確係無法抗拒既。今日啊﹐係度猛咁提佢既新歡啊﹐擺明當我透明﹐唔當我存在咁﹐你話我點好喇。日日都話唔開心﹐老婆仔﹐你細聲同我講野時﹐我真係雞皮都起埋咁濟﹐哈哈。問我你今日著幾件衫﹐我話計埋入面果件三件﹐你既然話我喊濕﹐真係慘~~~發燒今晚就要早D訓喇﹐知未﹗著多件衫仔渦﹐唔好益人益自己。我今日晏晝托住下巴唸住你啊﹐哈哈﹐幾過癮啊。小弟到此收筆喇。

老婆﹐我愛你。