前幾日落街,見到個士多仔外面右邊牆上貼左咁既野:
內容係:不收一毫二毫(用紅色marker大大隻字咁寫
之後我好爽快咁同呀MA講: 咁姐係收三毫LA~
mame:.....(笑了
乜毫子對於人黎講真係咁冇用咩?
毫子=毫冇價值既銀子(果然係簡稱...
但我記得好耐之前,小學打完波勁日渴,係行番屋企果陣終於忍唔住衝左入惠康仔買水..
果陣我發現我得$2,但呢支水都唔知300毫升都唔夠就居然賣$2.2,我之後好努力咁係荷包
仔到搵啊搵,,yo!我搵到LA,=___=係一毫子..............orz
唔緊要,仲有最後一着!
D惠康仔收銀機外面地下通常會有一毫兩毫執,
咁我就去搵下LA,見到個呀姐拎住在掃把就知咩事...
真一掃把星,連一毫都同我掃走埋,作死咩(((((怒
最後只有番屋企~
從此之後,我就覺得一毫子其實好有價值,佢有價值到令我買唔到水,飲唔到水...
所以,珍惜一蚊一毫好重要啊
|
