2010-11-5
今日陸運會因天雨關係取消
係我係善德六年黎第一個因天雨取消既陸運  (可能都係有史以黎....?)
不過最好笑既係 d人一聽到肥馬話取消個陣  成班友都好開心
好似放學個時一聽到落堂鐘個陣咁樣
乜佢地唔係應該好失望....?  唔通坐左係個到幾個字又冇得玩要諗住等成日個陣一聽到呢一個好消息既興奮  不得而知
塞翁失馬 焉知非福
我都多左一日時間  咁難得出左黎又唔想咁早返返去冇野做
去左自修室 hae?
睇書個陣 老敵人又出現
唉  一早預左冇咁順利
之後入左圖書館搵書
搵到本書一番掙扎想借個陣  竟然搵唔到圖書證......
之前唔想借個陣就日日都帶住  今次想要個陣又唔係度
我人生就係咁荒謬
死死地氣返屋企
做左陣野 己經六點鐘
又諗左陣睇下開唔開電腦
算啦都係開
都唔知幾時先唔駛偷偷摸摸咁玩電腦  我仲有好多野未做嫁.....
呢一日都係咁樣過喇  平平常常咁

有苦講唔出  屈埋屈埋會病
邊邊想收收埋埋?
只可惜自己力有不隸  又要怪自己
我每日都有希望  但係好日何時先會理睬下我.....?