綠豆粉要用攪拌機磨粉，我老豆仲好有心機咁用個篩再隔一次確保D粉夠幼滑先入樽比我地用。我細妹之前成面暗瘡印，睇過好多中/西醫同皮膚科都唔好，後來佢有個做空姐既朋友介紹佢用綠豆+蛋白既方法，個幾禮拜就好番，又平又易做。份量方面，大約1-2 tea spoon 綠豆粉 + 半隻蛋白，唔好太杰就得，我就用水彩筆幫我老婆搽落塊面度，敷到佢乾就用溫水洗，塊面即時好滑。唔可以太密，一個星期兩次就夠。