今日十一點幾先起身 ,, 昌昌黎左元朗 ,, 我地一家 ( 除左阿哥之外 ) 同佢出去食飯 ,,

本來諗住食日本野架 ,, 點知,, 都係都係都係唔講喇今日聖誕節,, 跟住去左金泰釧食泰國野 ,,

6個人叫左6個餐 ,, 都唔算貴既d野 ,, 冬陰功好辣呀 ,, 超濃香茅味 ,, 勁多香茅 ,, 一條條食唔到 ,,

嘩 ,, 呢碗冬陰功 ,, 真係飲死人,, 我坐果個位可以昅隔離間寵物店 ,, 有兩隻狗仔啊 !! 

咖哩又甜甜地 ,, 辣又唔係太辣 ,, 勁好味 ,, 成碗俾我送飯食哂 ,, 不過落椰奶落得多 ,, 易滯....

個水果沙律幾好.. 岩岩好飲完個冬陰功即刻食 ,, 跟住整多個椰汁西米露 ,, 好香椰奶味 ,,

成餐飯都係272蚊je ,, 抵食喇 ,, 有機會要再去金泰釧食多次喇 ...  哈哈 ^^"  跟住...

跟住我地行街 ,, 買左個風筒 ,, 跟住果兩隻野就去左拍拖 ,, 我地就番屋企喇 ... 跟住老豆要work ,,

我響屋企開game tower打麻雀 ,, 今次都比以往手風順 ,, 5點半就同細家姐出去 ,,去左yl plaza kfc食左小小野,

果時先發覺 ,, 唔記得帶相機呀 !! 果時都已經6點半 ,, 場concert 8點半開 ,, 唔夠時間番歸拎>"<

勁down ,, 跟住就去搭士 ,, 等268b ,, 等左好耐 ,, 都差唔都半粒鐘 ( 飛番屋企拎埋相機岩岩好啦 !! ) ..

上車去尖沙咀 ,, 行去地鐵站落隧道 ,, 行去尖東火車站 ,, 搭一個站去紅磡 ( 細家姐話唔識就咁行去 ... )

跟住出隧道果時勁多人賣熒光棒 ...  岩岩好出正紅館 ,, 10蚊買左枝 ,, 入紅館坐 ,, 山頂位-.-"

( 細家姐朋友讓票先去睇 ,, 冇計啦 ) ,, 山頂位都有分好壞丫 ,, 竟然對正條巨形黑色桿線 ,, 食..啦..

黑到死 ,, 哈哈 ,, 枝熒光棒都恰我 ,, 唉 .. 跟住就旁白搞gap .. 話咩華仔電力十足 ,, 坐前面既觀眾小心-.-"

一堆木乃伊咁既,, 個頭又好似天線得得b既人就出場喇 ,, 跟住華仔就出黎放電 ,, 用細家姐部電話影左 ..

跟住落黎既詳細內容 ,, 你地都係自己去睇 ,, 冇飛遲下買碟喇 !!  只能說 ,, 華仔兩度升到好高 ,,

又有一個都似下樣既故仔 ,, 同佢一個女舞伴 ,, 有好多好多親熱舞 ,, 全場嘩哂 ,, 唉 ..

最orz既係 ,, 華仔成日都搞gap ,, 問我地點解鐘意佢 ,, 靚仔囉,, 跟住落黎既gap ,, 就係咁讚佢自己靚仔喇..

黑色果個控制台下面果行坐左個b哥哥 ( 鐘鎮濤 ) ,, 華仔好感激佢咁 ,, 流住淚咁唱歌 ...@@"

聽到有人大哎 "榮仔 !! 唔好喊啦 !!" ,, 搞錯 ,, 好賤格哎人原名既 .. 本來就11點完場既 ,, 不過..

唱到11點3 .. 都開哂燈啦 ,, d人仲唔肯走 ,, 全場萬3人得唔夠50個起身-.-" 跟住就 ,, 哈哈 ,,

dim番d light ,,華仔走番上黎再唱4首歌 ,, 哈哈 .. 歌迷點唱既 ,, 跟住11點8散水 @@"

有專巴番元朗 ,, 好快就番到屋企喇 ,, 差唔多2點先訓 @@"

聽完個演唱會之後 ,, 之後想放佢隻 " 絕望的笑容 " 上diary ,,因為都幾好聽下 @@"

又打機囉今日 ,, 唔係有咩做 ,, 繼續完美博箱 ,, 點知蝕到跳樓 ... 都係繼續博啦.......

晏晝同阿媽出街 ,, 去左兩間銀行 ,, 匯豐同中銀 ,, 兩間銀行都係入錢 ,, 原來阿媽拎住幾萬蚊出街 ,,

去匯豐入左一萬 ,, 去中銀入左2萬6 ,, 全部都係老豆既accounts.. 挖... 800蚊入落我紅簿仔...

得6000囉 ,, 反正e家冇用 .. 哈哈=.="  跟住去食m記 ,, 試左個椒鹽薯條 ( 椒鹽嗎?? ) ..又係果種味 ...

食完閃人 ,, 去剪頭髮 ,, 去番之前果間 ,, 剪左冇之前咁多頭髮.. =.=" 廢話.. 其實有話說不出口..

番屋企 .. 之前掛緊機 ,, 奇蹟賣出兩件野 ,, 又博箱 ,, 仲死 ,, 蝕到燒炭 ... 慘落 ..

當我完第2個箱之後即刻熄game上game tower打麻雀 ,, 連破5個acc.產 ,, 預左-.-" 有錢補 ( 哇卡卡 ) ...

今晚都唔會有邊個會番黎食飯架喇 ... 得阿媽同我 ,, 老豆要work ,, 大家姐陪仔 ,, 阿哥陪女 ,,

細家姐去理大睇野戲 ( 好似係睇戲... 定唔知睇咩 ) ,, 我又係對住部機過平安夜喇 ....慘..

夜晚用左2粒半鐘狂整banner,, 終於有左第1個自己整既banner出現 ,, 不過好似好普通,,

哈哈 ,, 不過我覺得幾靚 ...    你地認為呢...??

聖誕裝齊一套了 ,, 超靚.. 套野勁貴呀... 成副身家用哂 ,, 好努力咁賣錢...

e排狂搵錢買箱博慒 .... 蝕死 ,, 唉 ...... 也要博下去 ... 不想溫習 .. 溫死人的 ,,

但日子還是那樣過 ... 今日3點半落樓下嘉年華會 ... 拎完抽獎卷 ,, 就拎就放... 唔期望會中..

見到jessica.. 同佢個妹.. 冇諗過會影相留念 ,, e d 咁細既function... 細到 ,, 我交咁多管理費 !!!!!! 媽也吵吼 !!!!

攤位得3個 ,, 少到死 ,, 禮物又少又慳水.. 條樣衰衰架好似奸角款既八婆 ,, 係咁叫d手足加難到,,

狂鬧佢地 " 派哂d禮物喇 !! " .. 我唉 ,, 真係真係真係 ,, 人地細路仔黎之麻搞到咁難玩屎咩... ( 我唔係 )

有冇搞錯 ,, 今年抽獎d禮物又屎到阿媽都唔認得 , 一件千色買20蚊都唔洗 ,, 有d幾蚊件添 ,,

( 俾我細家姐認得哂 =.=" ) ,, 哈哈 ,, 又冇我份 ,, 反正都唔係幾抵拎,, 哈哈哈哈 ,, 我就是這樣的了 =.="

不過康業就真係要鬧喇 ,, 如果係請人黎搞架話就要鬧佢俾錢少 ,, 唔係個d人點會搞得咁差呀..

如果係康業自己搵人去搞仲衰 ,, 收我地咁多管理費 ,, 成個嘉年華各樣開支加埋先唔洗2000蚊 !!!

我地每個小業主一個月俾 1701蚊管理費 ,, e d咁既嘉年華一年搞到果唔夠十次 ,, 唔洗2皮野 ..

我當1, 2座既單位有10個冇人住 .. (11x8x2-10)x1701=282366,, 哇 ,, 佢賺得開心囉 !!!

尋日勁多餸尾 ,, 今日晚餐仲有好多野食 ,,食死人喇咁多... 老豆夜晚又逼人溫習 ..

e個時候邊有人會咁乖架 ,,  so是是但但睇econ. 書/.\"   睇左陣 ,, 我諗 ,, d物價上漲既情況會越黎越嚴重 ,,

現實上加人工就黎會追唔上物價 ,,而d人都係會肯洗錢 ,, so生產商既利潤高左 ,, 就會提高生產量 ,,

但通漲過高 ,, 物價過高 ,, 人就少左買野 ,, je係話生產商會壓住一大堆貨 ,, 供給大過需求 ,,

生產商搵唔到錢 ,, 就減人工 ... d人就更加買唔到野 ,, 生產商冇錢賺 ---> 汁笠 ,, 失業率上升 ,,

經濟就會衰退 ,, 政府就要...  唉 ,, 打黎做咩呢 ,,  都係唔打喇 ,, 今日都係搵舊game玩 ,,

Age of Empires III=.="是但啦 ,, 聖誕假係咁悶,, 架喇...

今日一早起身就開完美狂練了 ,, 聖誕裝超靚 .. 用左成副身家買 ,, 要繼續努力搵錢啦...

跟住老豆煲左糖水 ,, 出廳食先知老豆買左隻燒乳豬番黎 ,, 好細隻 ,, 盛惠388 ,, 加左120蚊....

通貨膨漲真係勁,, 咁佢地買隻豬番黎還神 ,, 原來一早已經去左廟還神 ,, e家番屋企拜,,

跟住佢地出去買餸,, 我繼續打機 ,, 都真係狂掃日記 ,, d人睇黎都勁happy ,, 跟住老豆番左 ,,

分豬斬雞 ,, 果隻仲要係公雞 ( 好少有架 ),, 真係冇點食過公雞before ,, 等等下面post公雞相 ,,

唔記得影乳豬呀,, 不過清明重陽都有 ,, 只不過係今次特別細隻 ,, 算啦....^^"

試左d公雞肉 ,, 好甜 @@" 仲有雞冠 ( 雞環 ? ) ,, 冇食 ,, 俾老豆老母食左 ,, 爽架喎-.-"

今晚係冬至 ,, 亦都係大家姐生日 !! 哈哈哈... 我大家姐差唔多年年都係做冬生日架-.-"

今晚8餸一湯,, 又係花膠清雞湯.. 兩碟齋( 有蠔囉 ) ,, 蝦一碟 ,, 炒蟹一碟 ,, 公雞一碟 , 石斑一碟 ,

菜心一碟 , 燒豬一碟 ,, 係咁多 ,, 食到勁飽 ,, 大家姐男友昌昌都有黎 ,, 不過7個人都係食唔哂d餸...

食飽之後我 , 老豆 , 大家姐 , 昌昌玩十三張 ,, 我係大嬴家囉 ,, 阿哥哩響房對住部機 ,,

跟住食蛋糕 ,, 哈哈..哈....哈哈...哈... 就係唔記得影 ,, 藍梅芝士蛋糕... 有粒龍珠果 ,, 勁酸...

食完之後就鋤大dee ,, 玩到11點2 ,, 又係我大嬴家 ,, 真係好喇 ^^"!!!!  跟住睇電視 ,, 昌昌閃人..

我去沖涼 ,, 跟住番黎睇印度michael jackson ,, 台佬配鬼馬歌詞 ,, 笑餐死 !!

有興趣去youtube查 " 印度麥可傑克森 " 會有幾個 ,, 小d心血唔好亂黎 ... 幾白痴架其實...

小朋友最好咪學啦... 高登d人成日改歌詞 ,, 有幾首仲係eason ,, 雖然好少 ,,不過eason算係我偶像 /.\"

其實宇多田光d歌真係好正好獨特架 ,, 可以的話你地試下搵Deep River隻碟聽下啦 ..

大塚愛d歌都唔錯架 ,, 不過佢隻love piece album就得3隻鐘意 ,, 遲下都放上日記先 ,,

不過最慘就係load得勁慢 >"< ...唉 .... 其實我實係勁鐘意日本囉 ,, 娛樂圈方面... 哈/.\"

here the 公雞 !!"

母雞在旁邊 ,, 有劈....

林峯枝綿花糖呀 !!!

今日冇帶相機 ,, 電話又冇帶... 今日都仲要早會-,-" 8點3先番到 ,, 唱唔夠3分鐘先醒起搵ms lau拎野..

哈哈... 一叠notes.. 班際歌唱比賽 ,, 真係估唔到其他班會衰得過我地 ,, 柒死了 @@"

佢地唱得勁唔齊 ,, 動作就多得滯 ,, feel就慘過生仔 ,, 難怪我地會拎中三級同全場總冠軍喇 ... 3A好野-.-"

全場總冠軍有得棒盃咁勁 ,, 我又諗起一樣野 ,, sports day果日都有諗過 ,, 不過我地問題就大喇...

個盃是年尾學校收番麻 ?? 不然.. 盃放久了 ,, 下年成班各散A-E ,, 獎盃由誰 ,, 好聽d叫"保管" ..

由誰吞掉呢.. bb祥 ?? 學校 ?? 還是誰 ?? 這問題令我困擾 ,, 還是先不好想... 哈哈..

番班房 ,, 行行企企 ,, 派野拎野 ,, 落去搬野 ,, 搬到上黎 ,, d人嘩哂 ( 嚇死人咩 ) ,, 食野

好快咁樣拎左舊pizza ,, 冇乜味... 跟住食左d忌廉汁豬柳意粉 ,, 食左隻雞脾.. 食左d雞皇飯 ( love蒲汁超正啊 )

食飽 ,, 飲兩淡7up ,, 跟住玩game ,, 俾人屈左出黎 ,, 死肥軒-.-"  跟住抽禮物 , 食番自己份禮物 ,,

跟住同杜永禧換-.-" 綿花糖-.-?? 哪有這樣的禮物啊 !!! 而我的那份明明只適合女仔.... 唉...

走之前幫手執番好d野 ,, 班會咩人都走哂 ,, 得番柒宏到ready仔+我 ,, 你班野,, 小心你的頭  ...

別管了 ,, 回家勁悶 ,, 又狂搵琴譜 ,, 學緊睇譜 ,, 彈到"回到過去" ( by 杰倫 ) 呵,, 好多eason....

a... 我用電子琴滴 ,, 不打喇 ,, 今天gametower明星3缺一成日都差一隻食13番糊呀 !!!!!!!