今日,我同一班網上識的朋友行街,大約都有成十幾人..... 出左去旺角個度,大家都傾下game同運動咁..... 咁約我地出來個個就我地平時有玩開咩....有D人就答「咪le隻game囉~」 咁有D就好正經答「運動」 有D仲要玩野到答「我讀書,唔玩野」 我地成班就好齊咁答「唔玩野~?!你平時係網上玩咩!?」 佢靜左 - -" 之後,約我地出來個個就問「咁你地玩開咩運動? 我地女仔就話玩排球多...你地玩咩多呀?」 好多人答「足球」 我都係咁答, 但佢仲問「有冇更多?」 冇人出聲.... 有人問「足球同籃球,有邊個唔鐘意ga?」 我答「我!籃球我一定唔掂....... 我足球同網球啦~籃球就咪搞我......」  佢地望住哂我,好似打網球會有問題咁 - -" 之後我問返「網球有咩問題?」 佢地話網球好難打..... 我唔想搞到自己好勁咁,咁咪話都ok難囉 = ="  4點幾就係旺角各有各買野送俾自己認為係今日約會最重要的朋友,5係點去返返去個度等.... 我買左個樣野, 都成$3xx 唔係講笑 - -" 一個月咁就冇左,唔抵..... 5點幾個時,個個一早去到,明明4點都未到就企哂係度等人 = =" 搞到我係第2慢個個..... 唔緊要,最緊要買左野送俾朋友,佢來埋之後,大家一齊叫「1!2!3!」 就俾野人lu~ 我收左2野樣, 第1樣係髮泥(掂! 返第1日用先 = =) 第2樣係一個有哂今日約到ge人的簽名足球! 我今日係勁開心! 唔知點解有咩做錯都好開心,冇咩野咁.....」 最後,說一個「多謝呀!」  收到我俾佢野個個朋友,俾CM講我俾左咩你呀! ^^

次次Day2都係班足,唔知佢想點, 今日仲要落埋雨,心諗:今日一定打唔成,可以休息一下..... 點知去到2:00-3:00個時先來唔落雨,個天係咪想玩我 = =? 我今日唔知做咩事,個身體係冇咩力去衝...... 去到放學,諗住點都要打啦,是但..... 個Miss Ma好似食完「野」咁,係咁叫我地俾佢食, 去到3:45 先放人.... 我用口形同佢講「你要食,我鼓勵你!不過唔好要我地都食埋,今日班足,唔該要食就行開!」 佢走左之後, 個大頭白目仔走入來講Geog, 佢話要5月交, 我個時心諗「5月交,你一定要今日講ge? 今日去到5月仲有幾多人呀? 你更年期都唔好搵我地啦!」 佢講完之後,都成3:55, 冇時間再等.....人地個個standby哂, 我地咩都冇做過就要打....一開波冇10秒就輸第一球, 過多6分鍾到就第2球.....個個來睇我個D都話1C冇希望, 但係事實真係咁咩? 好辛苦先追返2球.... 我一開始打中場都唔理啦,打後面.... 點講都好我係隊中最清楚鐘指南的人,同樣佢都好清楚我..... 大家打起上來,一定有好有唔好...... 我有多次成功飛埋去,去停止佢ge射門.....後場開始大家都唔攻,只守,冇野好講.... 最後6碼 7-6 (我:是吧?) 佢地嬴到金牌,但嬴不到更好的友誼,我們這一場的確要多謝他們能給我們知道自己有什麼不當.....所以不要憎恨鐘指南,我和他的友誼在比賽上好,平日都好,都不會因這一事去變成大家都恨之入骨的人.... 他球技比我了得,是早就知道的事,但這又怎樣? 我會加油令自己更強!

最近畫的

P.S:

1C同學:
多謝你們對我們的支持
你們的支持令我們一班朋友變得積極
令我們的友誼變得比以前更好
多謝你們 > <

今日同張Sir + A Grade 踢完波之後,有好多人都話我射波唔得,但傳到好波出來俾人射~ 佢地咁講,我先記得返我係球場上要工作係要俾隊友去起腳...... 最近開始知道係足球技術上,係好過某一D 高form....... 但射波都係唔得......咁唔得都冇計,冇理由踢足3星期都冇分別, 但你可能會問「咁你踢左咁耐,同以前有咩分別?又係過人個D野?」 咁我e家同你地講, 我踢波唔單只係要令球技更好,仲要領悟到成為中心人物的時候, 可以點去冷靜去soft問題~ 例如~? 例如: 當自己係隊長時, 可以點樣做到冷靜唔理人們的叫聲去傳個好波,俾隊友射..... 可能你會認為「要冷靜,易到咩咁,你要成3個星期去領悟~?」 我可以話你知,當你係球場上,要做到冷靜係樣好難ge事..............因為會有人同你個隊打氣, 唔好以前越多人去打氣,個隊波就會踢得更好,有時多人打氣可能隊波嬴唔到的問題.....可能你會好奇怪咁問「點解?」 因為只要有人叫, 你個人就會分心, 分心當然射唔到波....不過你玩得足球,就一定會有叫, 想佢地唔叫,就一定唔會唔叫, 要唔理個D

我只係知道要有個目標向前,人先會進步..... 我的目標係咩~?我的目標當然就是成為一個香港的運動員, 說真的要我讀書, 一定不可以專心坐係度讀..... 反而,跑住去記野入腦仲會好過坐係度讀...... 至於什麼運動員..... 我諗得2個可以選擇, 就係足球運動員/網球運動員... 大家都有目標嗎~?

我知道係有小小野係我身上失去左去,但又唔多知係咩 =.=||| 只好估一估吧,失去了平時的那一種冷靜~? 不會吧, 今日係五人場俾人射到正一正,但都唔多爆人..........失去了平時的活力~? 更不會,最近天天都練習射球及跟隊的去比賽....... 到底失去了平時的什麼喔!!?? 想到了! 失去了平時的那一種沈默, 最近多咗講野,唔知點解啦 = =||| 不過講野係真係好累, 最近1,2個月都想轉下自己的性格, 不過e家知道轉咗唔多好, 不如做返平時唔多講野ge我啦... 個人來講,唔講野點都好過講野, 唔講野又唔會冇命的, 就咁決定啦! 唔講野lu~ 如果星期一見我唔講野唔好以為我自閉, 係因為做返以前的我............

講真你話講野會唔會令人認為你好gag = =? 我認為唔會,因為你太多le D野, 會俾人一種好煩的feel, 我總係認為多講野一定會有D咁ge 後果     XDD  講返班足事務先! 有冇女仔想踢 = =?(秘:想俾人打?!) 因為踢波講真,冇話一定係女仔唔踢得 = =||| 我諗都冇啦 = =||| 見Mickey 平時有練開就放心得多啦~不過要多D練先可以做到有默契,上次我地係真係一D默契都冇~可以的話我地可能會4月2之後先打.......咩事~? 返到課室自己問我 XDD   大主力cheuky要出場啦,我諗過....我地e家就係亞軍,我認為亞軍真係夠啦... 可能你會話「冇大志!」 我會回「俾自己有個目標!」 我地上場嬴到都係因為多6碼,如果冇6碼都係3-3 打和要打加時, 1D都唔係話唔勁, 不過大多數係要大隻佬/肥佬 去mark人...... 我地真係唔知好運定可惜= =||| 我地一個肥佬都冇,後面的危機一定大大咁上升, 都係咁啦...... 嬴到就嬴啦~ ^^ 大家加油嚕!

見今日冇咩做,打個日子大集合啦 = =|||(秘:咩來!!快D啦!等你幾耐?!) 好啦,先講一下班足啦~

班足係我自己都認為冇咩做得好ge一日...........睇返個片,見到自己成隻野咁.....真係唉左唔知幾多次,同一時間更係個個片度知道大家俾左一D好負面的評價比個日ge我, 我明白! 因為我身體唔夠D肥佬咁強而有力,等我話大家知點解我個日係咁「食草」,因為個日一開波就有2個肥佬當我三文治咁係咁夾 = ="佢地唔知係咪知道今日有個主力唔係度就搵2個夾住我!! 我個時真係好燥, 真係有小小想打佢地, 不過我知道如果係咁ge話, 就會有個人冇俾人mark住,咁佢就會有機會,但係我點都諗唔到,個2條友可以係唔俾我走....我個時根本冇可能去有機會去射波~最後,就可以用個頭去攻門,不過都係太大力~ 好啦,攻完之後......是但一個肥佬走去當我係個波,佢係超大力去ban落去, 我成個人俾佢ban到飛起左 = =||| 我個時痛到企到企唔到起身,我起左身之後先知,我隻腳以前ge傷出番哂來,有睇哂成埸ge都知道我後埸用帶去固定隻腳,之後就跑唔到了~希望4月3日 大家會見到fit到爆ge我係度爆ban龍門啦! ^^

最後講琴日啦~病左啦~ 4:00到cheuky 叫我返返去中學去開locker......去到火車站先話完左,唔洗開 = =(秘:俾人玩左~?!)  咁都要揘上去搵佢攞hw的說 = =" 上到去見到一大班人同佢一齊行~ 琴日見到我ge 人 係咪好驚喜le~? 不過沒有特別給誰的=﹏=