我記得我係初一果陣，我係逢老師就叫、逢師兄就Say Hello架…但係而家既初一仔，同我果陣時真係唔同曬。

　　油SIR行到過，佢地可以直接叫：「陳油！」我果下真係驚左一下，比著係我，我最大限度叫佢「油油」，為左區分佢同陳速SIR，一般我地都叫佢「油SIR」同「速Sir」。但係…初一果班機械仔可以直接叫兩個阿SIR全名?!佢地既態度好明顯有問題。

　　記得果陣我係問油sir羅機械人果隻電池盒，行到入去校務處，我叫一聲「老師們午安」果陣，佢竟然同我大搖大擺行左入去，躬都唔躹一個。出黎果陣又係咁，一出到黎，我就以一個比佢大一年既師兄身份去話佢：「你點可以咁冇禮貌架！」佢用一個比我矮成10厘米既身體，搭著我肩膀，講：「你…老幾呀？」果一下我O左嘴，我唔知講咩好。岩岩行到番去二樓物理室果陣，羅完野諗住走果陣，又比我聽到一句更震撼既話：「喂！陳速！你玩野呀，都整唔到既？！」

　　我完完全全對初一仔感到失望。