今朝六點幾就起左身，諗住番學校整埋「RO」個部野，正想走個陣，先記番起我未交prefect張form，於是咪作埋個篇野先走囉，7點幾番到去，都未有熟人番，係度扮做野~XDD""  跟著9點幾大家都開始番黎，搵齊零件，開工！見到黃sir番黎，佢一路亨歌，一路同我地傾計，之後比左份maths卷我睇，得49分咋（勁多人有59分啊，a班李澄朗羅滿分啊），唉......真係陰公，d數咁淺，我都唔夠時間做。繼續開工，點知整好晒之後先發覺里個design有問題，比個F.3問我地點解會跟佢design去整喎（你估我想既咩，啊sir叫嫁，死自痴，好整唔整整個壞既design出黎，仆街啦！），勁想打佢，整到1點幾，佢地都話要走，我就決定放棄（隻野淨係識得震下震下，點整落去啊？），跟住心灰意冷咁返屋企。

返到屋企，食完飯，打比michael，同佢傾左好耐，跟住訓著左，起身個陣已經錯過左「翼」喇，好唔開心啊......之後食埋晚飯，打日記。

唉，今日好悶啊，聽日開始做功課，希望唔好咁悶啦~