今朝6點幾就起左身，執好晒d野，就去火車站，見到啊葉同浩浩係果度，之後小魚就黎左，差d就比佢整壞部相機，跟住等人齊同埋等上水個班人黎（開頭又話7:15集合，點知佢地遲左差唔多15分鐘......=.=""），好在最後都上到車。去到沙田，等埋一個F.3，然後上去搵溫sir，跟住轉車出發，搭完巴士，又轉多一程，先再搭小巴（轉咁多程先到......=.=""），之後就到左我地既目的地—IVE青衣分校（嘩，果度又大又靚，如果甲寅有佢一半就好喇......）。

去到果時已經9點幾，差唔多要比賽，將d野羅晒出黎整，整黎整去，都差唔多，之後就召集喇。小魚第一棒，我第三棒，點知一開始無幾耐小魚部野就卡住左（嘩，人地果d快到啊媽都唔認得啊，點比啊......@@"），唔洗跑都輸......之後跟住溫sir周圍影相同拍短片，拍左好多，有格鬥，有籃球，有短跑等等啦，總之就好多啦。之後臨走前，溫sir請飲野，然後搭車番屋企，溫sir因為唔同路所以走先，之後我地搭小巴，再轉巴士，兩程番到上水，跟住解散，各自番屋企~

番到黎訓左一陣，跟住食飯，今日唔係好舒服無咩胃口（好似感冒啊......><""），之後開機，點整都上唔到網，跟住睇一陣電視，有好多好歌聽，之後係「電車男」，幾好睇，不過個男主角唔得啊，同個女主角都唔襯既（個女主角好靚啊......><""），好在最後開機個陣上到網，於是打埋日記~

雖然今次輸晒，不過學到好多經驗，我諗下年一定唔會咁嫁喇，甲寅一定得~