今日lunch同阿媽去左肯德雞食
食飽之後就去左shopping
話就話shopping
其實都係o係返粉嶺
佢好豪呀! 
買左幾百蚊衫呀!
好少見佢咁豪
不過佢o個幾件新衫又真係幾靚架

又係無無聊聊咁過左個星期日
真係個個星期都係咁喎
返工就等星期日
到左星期日又真係無無聊聊
都唔知係好事定壞事呀? 

終於睇完一小部份既玉蒲團
唔好睇
果然係好咸! 
唔鐘意咸野
不過我果然係好高級
因為我係睇英文咸野
高級過你地d麻甩佬麻甩仔多多聲!
學野啦
一係唔睇
一睇就要睇高級野呀!

聽日要著中袖衫呀
唔係因為涼左
係因為上次南丫島一役既戰績 
我對手已經甩皮甩左好耐啦
今日範圍擴大左
好核突 
所以聽日要著中袖衫遮下先得