今日同細佬, 表妹出左尖咀
行街囉...
仲要上到火車先記起今日pre-reg
咁都出左門口上埋車囉
冇計啦
唯有求救
最後好彩有簡簡同少茵拔刀相助
順利完成!
再一次證明city既server係勁cheap!!!

得個行字
又冇買野
想睇達文西密碼
又冇晒位...
得返10點場
睇完都12點幾
唔想咁夜返屋企
而且表妹要自己返去
咁夜好危險...
反正我遲d睇都得

行去美麗華時
見到封左路
d警車走黎走去
好多警察企o係條街度
一度懷疑會有槍戰...
返到屋企睇新聞知道有劫案...
好彩冇撞正d賊
容乜易做左人質架

第一次食元氣
都幾貴喎!
不過我細佬減緊肥
表妹又細食
所以三個人都係食左一百四十幾蚊
但係就唔算好飽
返到粉嶺仲要食多杯手作之店ice-cream

睇左電車男
覺得愛瑪仕真係好靚喎
好高貴
好甜
如果...
我都可以好似佢咁就好
要努力培養下d氣質!