今日要返工OT啦
因為...
就黎要出成績表
勁多data要入
今日都未入晒架
下星期一繼續

放工出左去旺角
同emily去左揀旅行團
經我地左度右度
左計右計之後
終於搵到一個日子係我地都ok
7月28日
布吉
等我地!
好感動
終於去得成旅行!
仲要係我地一早睇中左o個個團
有陽光與海灘呀!
正!
期待期待!
不過計埋計埋
成個團費要成3千幾蚊
肉痛啊
不過算啦
難得去下旅行嘛
辛苦左成兩年
第一次放annual
豪少少啦!

睇完團
同emily四圍行
sirius後來join埋我地
又洗左好多錢
扭左幾隻扭蛋公仔
會放o係公司
又買左件背心連身裙
仲有一件t-shirt
加兩筒薯片睇波食

畢業後冇見過emily
sirius反而有撞過
雖然大家好少接觸
但係見番面都好開心
一d都唔陌生
點解會咁神奇架呢?

7月中會同emily再出去
因為要一齊買野去旅行
泳衣啦
袋啦
涼鞋啦
沙灘拖啦
哇...
好多野呀!
plan下plan下

今日打過俾Iris
佢都睇緊團
佢話見到有個青島團
2千蚊都唔駛喎
好羨慕...
不過應該都幾relax

哥哥頭先問我有冇興趣養狗

哥哥話呢隻狗狗而家住左o係狗酒店
因為佢主人搬左屋
唔可以再養佢
所以要幫佢搵個主人
哥哥話佢好乖架
其實我都好想養佢
因為佢乖囉
但係一黎自己未養過動物
可能唔識養佢
二黎我住公屋
邊度養得佢丫...
好唔開心
好想養
但係唔養得
哥哥話如果佢搵唔到新主人
一定會俾愛護動物協會人道毀滅
咁慘喎...
有冇人想養呀?
搵我丫
不過佢都幾大隻架
哥哥話佢企起身到佢下巴
即係差唔到成個人咁高
各位考慮下