今日放工
終於的起心肝出左柴灣
咪就係去哥哥介紹o個間髮型屋整下個頭
之前個頭已經好唔掂
因為又唔曲又唔直
好亂好散

去到柴灣...
又諗起d唔開心既野
等到哥哥之後
佢帶左我去髮型屋
但係師傅好忙
叫我地去食野先
哥哥就請我食tea
食完野上到去都仲要等呀...
哥哥就慘啦
明明唔駛剪都陪我等
等到輪到我整時
佢先返一返屋企
最後同師傅傾完
決定整返負離子...
一路整佢又一路有客黎
等左好耐...
哥哥後尾又返黎陪我
仲請我飲益力多同汽水
你又知我鍾意飲檸樂light
多謝晒!
最後剪完已經成9點鬆d
不過我覺得都ok喎
個樣又細個左好多
因為剪左碎陰
望落好細個
哥哥都覺得唔錯
佢話我完全唔同晒
可能就係因為我young左
之後我自己走啦
哥哥佢地好似去篤波

第一次有人陪我去剪髮
感覺好得意
因為...個頭立立亂時個樣好醜怪
俾哥哥見到tim
佢仲用手機影我呀!
衰到死!
anyway
多謝哥哥用左咁多時間陪我!

而家踢緊德國vs瑞典
瑞典真係完全唔掂呀!
同之前對英格蘭完全唔同樣
守又守唔住
攻又攻唔入
一個上半場已經輸左兩球
睇你點追
冇啦冇啦
要返瑞典啦你地
除非...有奇蹟啦!

下半場檢討
完全係一團糟!
唯一一個好機會俾佢射十二碼
咁都可以唔入!!
球都控唔掂呀!
我對瑞典真係完全失望!
終於明白上兩屆瑞典可以入四強
完全係因為好運
過左8年
一d進步都冇...
睇完場波真係幾廿把火!

除左卡通之外
近期最想睇既戲
再見流浪犬