今日返工
幫會計小姐對d大帝既過數表
真係...
眼都突埋
好彩趕得及放工前搞掂
可以安安樂樂放假!

放工陪左積西嘉出去旺角
佢買左一筒cd-r
一筒dvd-rw
仲有一個好平但係好似好正既webcam
超勁多人既旺角電腦中心
行得勁辛苦...
俾人撞...
又入唔到d舖頭
下次都係平日放工出去好d
好似人少d

之後經過幾番既商議
哥哥都係冇時間出黎
最後我就去左金鐘等佢
佢出黎車我返佢屋企
佢再即時幫我整埋部電腦
等我可以拎返屋企
一路行住商場等佢...
行左好耐
等左好耐
其實都知哥哥屋企有事冇時間
所以我都唔好意思催佢
最後佢終於到左
o個陣我已經行到勁攰啦...
佢仲話我好似冇厘神氣咁
哎呀
體諒下我啦!
攰嘛!
之後陪左哥哥去整身份證
大頭蝦既佢
唔見左張新身份證
又要俾人罰錢
佢上去時
我就好緊張咁幫佢o係樓下看車
好驚有警察叔叔啊...
抄牌好貴架!

上到哥哥屋企
佢隻貓貓一見到我就閃走左
唔知係驚左我
定係怕醜呢
成日都閃入個籠度架!
好搞笑!
哥哥個媽媽又好鬼客氣喎!
佢問我食飯未
我諗左一諗
答佢:食左
(雖然事實上我係未食)
因為驚佢媽媽知我未食飯
會走去煮野我食
費事要佢搞一餐啦
一路等哥哥幫我整機
我就一路睇電視
又睇下佢媽媽玩貓囉
落樓都已經十點幾啦
同哥哥走去食麵
(可能佢都未食飯)
11點幾就趕巴士趕火車返屋企
返到去已經12點幾
沖埋涼
執埋野就要訓
準備聽日南丫島之旅!