今日去上水某一中學見工呀
好緊張呀
早左少少去到
不過都要等成半個鐘先見到校長
一入到去校長室
就見到個校長既物體
一撻咁攤o係張梳化度喎
哇
真係嚇死人呀!!!
一路in我都好緊張呀
可能之前等得耐啦
二黎個校長個樣都唔nice既
好似好惡咁喎
雖然傾既野冇乜特別
都係見工例牌會問既野
但係我都好驚呀
我覺得佢o係度試緊我
噢.......
其實我既表現真係唔係咁好
比上次見紅十字會仲要差
比見而家呢個教師助理既時候仲要差
所以我都已經打定輸數啦
況且我經驗真係比其他對手少好多
同我一齊去in o個個女仔
以前o係第二間中學度做個校長既秘書架
經驗豐富好多
我諗我唯一o係優勢就係.......
住得近!
校長一見到我就話
你都住得幾近喎
你仲o係呢區長大喎
你讀過幾間中學都係呢架喎
咁你一定好認識呢區啦.......
你返呢邊咪好快囉.......
佢好似真係覺得我因為近先揀呢間學校咁......

不過佢都有讚過我架
佢話我打字打得快(我resume寫50 w.p.m)
佢又話你中文考得幾好喎, 有C
我都唔知點應佢
唯有不停咁話係呀, 係呀!

都唔知有冇得second in呀......
仲等緊......
唔鐘意呢種等既感覺
不過我諗我都冇乜機架啦
我都係唔好抱太大期望啦
今日又繼續寄信先得
希望快d搵到工
我要轉工呀!!!!