自從無做馬會之後
人既心態變左好多 
朋友
你睇下一個人可以變得幾快

我成日o係度諗
究竟我既人生應該係點? 
係瘋狂咁做野賺錢?
係瘋狂咁搵一份人工高前途好既工?
係瘋狂咁讀書?
係瘋狂咁搵一個照顧我下半世既好男人?
我覺得呢d都唔係最重要
我起碼仲有四十幾年要工作
真係做到死都得
都唔差在呢幾年

我已經俾我身邊既同事感染左
我而家應該做既
係放眼睇下呢個世界 
趁自己後生
應該好好享受下人生
我已經渾渾噩噩咁就過左廿幾年
但係我仲好無知
唔好話呢個世界
我連香港都未睇得清楚
我既同事
成日都四圍走
四圍睇
我覺得我都應該好似佢地咁
呢個世界有好多靚既野
有好多我未見過既靚景
我好想走遍每個角落
好想睇唔同地方既日出日落 
係要好多錢
但係錢係搵唔晒架
點解我唔用我辛苦賺返黎既錢好好去享受下?

有個同學覺得我唔應該花時間o係而家呢份工
但係我覺得而家份工好好
雖然錢唔算多
發展亦唔係最好
但係佢俾到好多時間我去充實自己
去享受人生
仲有一班好識得享受既同事
咁唔係已經係一份幾好既工咩?

今晚睇電視
楊千嬅+古巨基
睇完之後我更加想去旅行
太靚啦d景 
雖然我都知道我自己去一定去唔到d咁靚既地方
但係總算去過嘛
而家短期目標係去沙灘
中期目標係聖誕去澳門
長期目標係下年暑假去澳洲/日本
如果去澳洲可以探巴巴
當然即係叫佢照顧我啦
考慮中
但係其中一個目標實行到我已經好開心!
有冇人想join我
無任歡迎! 

英文版既雪山飛狐
真係好甘!
但係唔睇上堂就discuss唔到!
我想做個responsible既學生!