回春,係指,回"長春"~
話說,琴日一訓醒,就為左起程番長春而打點~~
到左12點半,終於都要出發~
出發果陣都有種唔捨得ge感覺~~
唉~~梗係啦,要由天堂番落去地獄bo...有邊個想呢~_~??
不過..無計傾~點都要番去架啦~
3點鐘,入閘果陣,雖然已經唔係第1次,但係自己一個人入閘ge心情真係.....得個"爽"字囉~
入閘,上機~
點知去到青島,長春機場先黎關閉..
真係陰公得黎又無陰公呀!~~~
搞到要係青島過一晚..
不過南航好呀~安排左我地住間4星級酒店~但係..要2個人一間房
好彩!~有個韓國留學生又同我同一班機,佢又係1枝公~
所以就同左佢一間房~佢幾好人,又幾靚仔下,講普通話又搞笑a_a~
一入房就請左我食左肯德基葡撻(佢之前買ge),佢仲問我知唔知咩係葡撻a_a,好好笑~
跟住同佢傾下計咁啦~發現,原來佢已經23歲~~佢話佢讀完高中就去左參軍,做左3年軍人~
今年先讀大一~仲有樣同佢幾有緣ge就係,佢叫"陳豪鏞",真係呢個名黎a_a~~韓國名都係呢個~~
之後第2朝,去到機場check in ,點知check完in仲要等部飛機ready好~由7點半等到9點呀~~陰公~~
不過南航真係好好~準備埋早餐比我地~正a_a
格離有班又係去長春而滯留青島ge山東航空ge客人就無咁好彩~~佢地得個望字~真係無陰公呀~~
3.15 11點15分
終於到左長春~跟住同"陳豪鏞"分道揚鑣~
走果陣,佢仲叫我得閒去佢到,佢煮韓國菜比我食a_a,佢話佢煮餸好叻~~
番到宿舍,中午,12點半,居然無哂人~
入到間房,望一望個同房張枱,有張課表~
望一望張課表...當場講粗口..
d課仲多過番高中....o哂咀......乜唔係話大學好輕鬆架咩?!!
再加埋佢GE強迫性自習,咁我星期1,3,5,咪即係要連續上13個鐘堂?!!!!!!!!!!!!!!!!!!!
痴孖根....................................
注:由長春番黎果日開始就係咁上堂,上到癲左,呢篇BLOG本身係打算番黎果日即打,但係無時間...
|
