今日都冇咩事發生，不過．陪人出街都冇得出，因為全屋ｄ人都唔知去哂邊，真慘．咁就同阿妹，細路渡過一個星期

六，又係同琴日一樣又係玩三國十玩到黑，玩到８：３０就比我家姐搶黎玩，玩到成１１：３０至比返我，今日講到

呢度先啦．聽日再打過。

今日係到狂玩三國志Ｘ。

好正既感覺！！

今日６點幾起左身，扲齊ｄ野食完早餐就去運動場，開始今日既陸運會，一開始晨光無限好，比佢曬到差ｄ變人乾，

聽到４００ｍ決賽個時，我就行去召集處報到，跟住落場熱一熱身，到開始跑個時就一口氣爆出去，點知比我攞

到個第一，真係開心．唔係．應該係我應得既，因為我跑左咁耐長跑，都係想比ｄ成績人睇，唔想比人睇死．

之後個幾場賽事就冇咁好彩，都係仲有段距離，可能ｄ高年班真係太強．我地唔夠實力同佢地拼過，最終我得到

一個金．一個銅，之後去左新港城食野，食完就各自各搭車番屋企，番到屋企就拿拿聲沖涼，跟住就玩電腦，

同人傾計傾到玩三國志都唔記得，聽左一ｄ人生哲學就訓教教ｌｕ∼∼

琴晚．我係宿舍真係慘∼∼有兩個傻仔係到狂踩牆，搞到我成１１點幾至訓到教，仲要比ｄ阿ｓｉｒ問我野。

返到課室，一開始上社會堂．個個訓哂教一ｄ讀書氣氛都冇，跟住上膳食堂個阿ｓｉｒ就係咁講笑加講書，好有

ｆｅｅｌ上堂，食完ｌｕｎｃｈ之後去左打羽毛球，打打下上圖書館睇書，上到去竟然岩岩好夠鐘，冇野講，到上中

文堂時，Ｍｉｓｓ就話我地講野唔夠好，要比ｄ心機至有好成積，澆多少水．就會有多少成果。聽完之後覺得好有道

理．

今朝大拿拿６點鐘起身，食完早餐後就出門口，等左好耐至有巴士黎，返到學校８點鐘．

見到門口有ｄ投票係到，我就投左我地班既Ｂｅｎｓｏｎ一票．之後上中文堂係咁做聆聽練習，到左小息就同班死黨　

去食野，到左數學堂．唉∼∼比梁ｓｉｒ狂轟，真係累到想訓．不過唔比訓∼訓親就到比人罰。

到左我最鍾意既Ｐ．Ｅ堂，係咁同班死黨打波，打到落堂就排隊返宿舍，返到去就要上電腦室當值•

到左５點鐘去踢波ｌｕ∼

依家仲係電腦室當緊值呀＞．＜•