上年暑假，趁特價買的covermark超模粉餅在用了大半年後，終於可以用佢say goodbye！

我很少用一件化妝品用到咁徹底，佢都算特例！而我多數用佢作補妝用，近幾個月先用佢當粉餅，上完base或防曬後用佢作finish。試過一次放工落卸妝後，阿妹話想出街一齊睇野，我唔想又化個過妝，咪又係防曬 + 這個2way，加少少眼線就走。阿妹見到我卸妝後，同只係上左防曬 + 這個2way後，真係覺得差很多，因為近來皮膚差左，多左好多粒粒，佢話遮得好勁！

但是我不會買refill了，雖然個盒真係好靚，我好鐘意，但係個價錢都好靚！如果只係refill 都要3xx。而且，我都好鐘意試新野，所以…我已經買左平價和貴價的2 way作佢的接班人了！

讚︰

-         佢的遮瑕度很高，見到相，佢真係遮到幾多斑斑同紅印，這個是我很喜歡它的原因。

彈︰

-         佢會變暗，用到快下午已變暗了少少。

-         佢都算厚身，粉感好重。

希望佢的接班人︰自己俾錢買的shiseido 美白粉餅和maybelline 同za兩用粉餅都可以啦~