今朝６：４０起身，換完衫就食野啦，之後就幫牙妹做功課啦，做到７：１５就出門口啦，係火車站，又見到丫沈細佬喎，我都係冇同佢講野，去到大圉，丫庭到左啦，之後ｋｋ同ｃａｒｅ都到啦，咁就走啦．．．

　　返到學校，就去００６開會，開完就出去集隊啦，之後就上課室啦．．．第１堂數學，好悶牙，咁咪係到訓教囉．．．第２堂中文，做書入面果Ｄ練習囉．．．第３，４堂Ｐ．Ｅ，考羽毛球，慘啦，１定唔合格啦．．．第５，６堂中史，Ｍｉｓｓ掉位丫，我坐係丫沈前面，美盈係我隔離，上堂果陣，丫沈係咁搞我，好煩牙，教完書就小測啦，唔係好識添．．．

　　ｌｕｎｃｈ就陪欣豬去左２Ａ當值，本來以為好乖啦，點知勁曳喎，Ｄ人又唔返位，搞到勁遲先派到飯，仲搞到欣豬好嬲添．．．當完值就去〔家資〕食飯啦，食左陣，紅姑話要走，咁我地咪去Ｂ場食囉，食完就返班房啦，１：５５就去３樓當值啦．．．第７，８堂英文，作文丫，好Ｑ難牙，作到放學都未作完牙．．．

　　放學就去左ｍ記等欣豬個表姐拎野，之後就搭８０ｋ返沙田，嘩∼搭到我頭都暈牙，之後我同丫庭＆丫沈去大家樂食野，食完就去左大眾買野鳥睇書，到６：００到就走啦．．．