今日６：４５起身，換完衫就食野啦，到７：２０就出門口啦，去到火車站，家ｂｅｅ打黎，叫我唔好上車，等埋佢喎，之後去到大圍，佢就走左啦，咁我就係到等丫庭，等左陣佢就到左啦．．．．

　　返到學校，就上去放書包啦，本來就係到〔啖〕泠氣，點知老陳突然間黎左，叫我地即刻落去喎，食啦．．．落到去，去左紅姑到傾野，好野丫，聽日囡囡都去ＢＢＱ丫，嘻嘻．．．早會勁熱丫，企左好耐，先上得去．．．第１堂數學，做功課，好易姐．．．第２堂中文，冇咩等別丫．．．第３，４堂Ｐ．Ｅ，跑圈丫，９分鐘丫，勁慘丫，跑到我死死下．．．第５，６堂中史，死人莫少整到我件冷衫有營光筆，激死我啦．．．

　　lunch同丫沈去左小食部買車仔麵，之後就去〔家資〕搵丫庭＆欣豬齊食，之後就去禮堂幫紅姑，ＤＦ．２勁曳丫，打鐘就上返課室啦．＆廸廸去買車仔麵返學校食．．．第７，８堂英文，派小測，哈，〔０〕分添，冇法啦，我都唔知佢教咩丫，之後成堂同欣豬，曾康婷＆陳懷思係到講計．．．

　　放學之後同丫沈，廸廸，丫庭＆欣豬去左新城市行，丫沈買左隻惡魔仔既筆俾我做生日禮物，好得意丫，ｔｈｘ丫沈，行到６：００到，就返屋企啦．．．返到屋企，睇左陣電視就好眼訓啦，咁咪上床訓囉，訓到６：４５到，丫ｋｅｎ打黎，好少可喎，同佢傾左陣就收線去食飯啦，食完飯就冲凉，之後就玩ｍｓｎ＆打日記．．．．