今朝６：４５起身啦，換完衫就食野啦，食完就係到溫英文啦，温到唔記得出門口，丫庭打俾我，先知丫，咁咪即刻出門囉．．．去到大圍，丫庭巳經到左啦，仲等到好唔耐煩添．．．

　　返到學校，等左陣就上去啦，上到去就溫英文啦，溫到打鐘．．．第１，２堂數學，都係唔明佢教乜，咁咪係到温書囉，温極都唔識，咁咪唔鬼温囉，之後欣豬俾左張紙我，係叫我去領〔宙〕生面試既，咁我睇睇下，康婷嘔喎，咁Ｍｉｓｓ咪叫我俾包廁紙佢囉，之後佢就落左醫療室啦．．．第３，４堂英文，又係小測，我同欣豬，陳子聰＆馮洛文係到通水，嘻嘻．．．第５，６堂商業，超悶丫．．．

　　ｌｕｎｃｈ係Ｂ場到買野食，點知勁多人，買左超耐先買，丁之後就去左〔家資〕到食啦，食完我同欣豬，丫庭就係到玩波子琪，玩完之後，彭新文又話要玩喎，咁咪又玩多次囉，我地都咪玩完，就要出去排隊啦，企左好耐先入Ａ場，Ａ場又冇冷氣喎，年年都搞埋Ｄ社員大會，勁辛苦先過左３堂丫．．．

　　放學之後，我同欣豬＆丫庭本來去幫紅姑釘野，點知盧婉珊自己拎左去釘喎，激死丫，咁之後我地就走啦．．．我地３個去左新城市行，行左陣就去左ＫＦＣ食下午茶啦，食完就再行左陣先返屋企．．．