今朝６：３０就起身啦，換完衫之後就去左Ｍ記食早餐，之後７：１５就走啦．．．去到大圍，丫庭又到左喎咁就行啦．．．．．

　　返到學校，就上去放書包啦，之後就去４Ｅ傾計，傾左陣就落去集隊啦．．．個死人丫ｓｉｒ好煩丫，講左好多野先上得去．．．第１，２堂數學，好悶丫，成堂係到發夢．．．小息就同欣豬去問梁根拎牌啦．．．第３，４堂英文，ｍｉｓｓ冇返丫，超正丫，唔洗上堂，咁我同欣豬就係到睇小說啦．．．第５，６堂商業，又係悶，不過最後做作業都冇咁悶．．．

　　ｌｕｎｃｈ係〔家資〕到食，食完又係玩波子琪啦，玩完就同丫沈上去拎野先，因為就打鐘啦．．．第７，８堂地理，教左１陣書就睇ＥＴＶ啦，睇到放學．．．．．．

　　　放學就同欣豬，丫庭＆丫沈去左Ｎ４０２開社會服務組會員大會啦，開到４：３０就走啦，不過丫庭就話同康婷走喎，又話要即刻返屋企，咁之後我同欣豬＆丫沈咪自已去行街囉，行到６：００到就返屋企啦．．．．