今日６：４５先起身，換完衫就食野啦，到７：２０就出門口啦，嘩．．．今日超多書丫，重到死丫。到左大圍，等左陣丫庭就黎左啦，咁我地就行啦．．．．

　　返到學校，等左陣就上課室啦，上到去１個人都未返，咁我同欣豬就去４Ｅ揾丫庭＆丫沈傾計啦，傾左陣就打鐘啦，咁咪返課室啦．．．第１，２堂英文，好悶丫．．．個ｍｉｓｓ好煩丫。小息果陣，陪欣豬去還書。第３，４堂數學，個老太婆教，勁慘．．．．第５，６堂地理，Ｄ男仔勁嘈丫，都上唔到堂。lunch同丫庭，欣豬＆丫沈去左大排擋食野，熱到死丫。第７，８堂中文，個ｍｉｓｓ幾好丫，好多時都係俾我地自己睇書，覺得好快過．．．

　　放學之後同丫庭＆丫沈去左大眾買野，之後就陪丫庭去買冷衫，跟住就返屋企啦．．．．返到屋企，睇左陣電視就幫金仔沖涼啦，冲完之後就我沖啦，沖完之後，見到丫媽同金仔剪毛，哈哈，剪完之後勁丫庭，勁搞野，變到好細粒丫，剪完之後就包水餃食啦，食完就睇電視睇到１１：００訓教．．．．

　　今朝１１：００起身，唉．．．又要我俾＄去買飯食啦．．．食完之後，就睇電視，睇到２：００到就玩電腦，玩到５；３０就去冲凉，冲完就食飯，食完就睇電視，睇到１０：３０就訓教教啦．．．．