今朝3點7 就起身，睇波.................唉，曼聯踢到80 分鐘先來失波，成場波好悶

跟住又訓，訓到7點半就起身返學，頭兩堂數學堂，係到做壁報d野，好搞笑

小息啦，我同肥龍佢地玩鋤D，趙傻威入左來，收左我地d啤牌，超光收起左幾張

跟住佢走啦，我拎左幾張來玩，點知佢又返左來，話叫我去見冼奶強，我彩佢都傻

佢就激烈行動，來我個位到叫我！我行行下又返返去，因為我唔想去見PK冼，唉........佢係都要叫我出去

我跟住就發老脾，係咁爆粗，我都唔記得講左d咩啦,,,,,,,,我好多謝我地班d人幫我講好說話，多謝晒

跟住去左B3 門口到見冼奶強，佢都on 99，係咁屈我，我無晒野講.........你好野

跟住咪去停課室到見梁志堅囉，俾佢鬧左幾句，跟住叫同傻威say sor，我咪局往say 囉

佢叫我去間房到傾計，超搞笑，傻威又係到同我講佢細個d野，又講佢個fd 讀緊哈佛，我超想笑

本來佢話停我一日課，唔夠的話，停夠3日 tim！！跟住佢又叫我上返去上堂！！

中文堂，上得果一陣，跟住就科學堂，做實驗，好快過.......lunch 同文西去名苑食，等左好耐

跟住又中文堂，默書....之後英文堂，測作文，好無聊//////////放學留低做壁報，我4點半就走囉，因為要去跑

5點就去阿馬到跑啦，唔知點解，今日唔多想跑，無moon...................最後都係跑晒

跟住又聽佢講野，講到8點先走得，超無聊.......跟住同阿東去買糖水食，跟住就返屋企囉