今朝返去測數學，測完之後又係數學堂，我係到抄中史作業，因為聽日要交啦！

小息就鋤大D啦，好鬼搞笑，成班人圍住，好似係賭場咁.........

跟住中文堂，悶到想嘔，，跟住科學實驗，上左去玩實驗，測牙膏，唔係好好玩！！

食完lunch，即刻就返去鋤大D，又係好鬼多人，超夠姜.......玩左一陣就打鐘啦，又係中文堂，睇左篇野！

跟住就英文堂啦，我去左圖書館借機，返來果陣係咁讀英文，讀到差唔多無氣，癡線嫁！！

跟住就派卷啦，我個41/100，但係計比例，我個11.64/30，唔合格........如果計100，我最多分

跟住我就叫miss 俾我去還機，還完之後，堅哥同超浴係廁所到等我，我地又玩鋤大D啦！！！haha,,,,,

玩左一甫，堅哥話走，超快咁走左，得我一個人係廁所到，=.=''

返到去，miss 係到講 IQ & EQ d野，超無聊，跟住就上返課室啦.....上到去玩話事啤，今次鬥大

我抽到5，超浴抽到King，堅哥抽到葵扇2，笑到我死死下，跟住我地話去打趙sir 屎忽，堅哥去到摸一摸就算！好狗ar

放左學，我同超冬、超歐&肥龍鋤，肥龍玩左一陣就走啦，跟住我地鋤到4點3 就去鄧兆堅到睇波(JCC vs 安柱)

我地諗住半場休息果陣去廁所到鋤啦，我地行行下見到陳sir，陳sir 就同我地一齊去啦

去到我地已經贏緊9分啦，跟住半場果陣，我地都無去鋤，因為場波太好睇啦，大抄安柱差唔多一半分

打完就去更衣室到玩啦，玩玩下陳sir 來到，我就3個就去廁格到鋤， 因為超臭就去左出面到玩！

鋤到6點鐘就走囉，跟住超冬話要留低睇波，我同超歐就走囉............

聽日要返去練波，放學又要去跑步

聽朝要早會，要入Hall，A班果d 先要入去，要聽「願望工程」d野,,,,,,,,,,,無聊，但係頭兩堂英文，點都好過上英文堂啦！

今朝7點幾起左身，跟住食完野，等左一陣，跟住就去跑山啦

去到裘記門口見到阿靈，跟住阿Yan、說話、張希彤果d係安蔭，跟住係到等啦

等等下志豪來左，說話係咁打俾阿良同阿東，等到9點半，就上山啦，行行下，阿東係山到，點知佢上左來！！

跟住就去到啦，買野飲，買左支寶礦力，跟住我、阿靈、阿東同說話就跑啦，志豪佢地睇袋！

我地無熱身，求其拉下筋就算啦，一開始跑得好快，說話跑跑下唔見人，跑上山超辛苦，又多馬騮

阿靈跑係我前面，返來果陣俾我跑過左，我跑4K 18分，佢就18分07.........阿東20分左右！

說話就跑跑下驚左馬騮，好似跟左個阿叔走左，仲要話我地無人性，唔等埋佢一齊跑！

跟住志豪果d話唔跑 =.=''/////// 說話叫我地上來跑，自已又無跑，我地唔洗比賽ge 就要跑！！

跟住係涼停到傾左陣計，我超肚痛，都唔知係咪飲左支寶礦力，頂.......跟住張希彤話去銀龍食野，咪落山囉

去左ok到買野朱奶飲，跟住係ok門口坐左一陣，阿靈返左屋企......我地無無聊聊咁，跟住就去銀龍啦

我同阿東坐左一陣，就走啦，落左去買野飲，跟住就返歸囉

食完野，無野做，做下數學，因為聽日要測驗啦..........跟住2點幾就叫何成去買Boot

等到3點半先去，去到葵芳，係咁睇/////佢又買卡卡果對，又想買P.祖連奴果對！！！

跟住去左運動家到睇，又無adidas ge boot，佢又唔想買Nike 果d，跟住佢又去返果間，

話要卡卡果對，點知全部都無佢果隻碼！！=.=''       跟住想買F50+，佢又覺得貴.....

跟住就走啦，去左買野食，跟住去林士德睇波，睇左一陣，就去石排到睇，康仔，老牛果d係到！

老牛話：小飛話文哥唔再教波，因為同陳學恆條仆街吵，！！

小哪巴，陳學恆超狗，好似岐視我地葵青呢到ge人咁，話葵青ge人去踢葵青啦，唔好來踢離島！屌

跟住就返歸囉..........聽朝要測驗啦，要溫一溫先！！

THE RED DEVIL

二十年，一支護級的球隊，奪得一個又一個的錦標---歐冠杯､英超聯賽､英足總杯……

一支低迷的球隊，衝上足球的巔峰，成就一個又一個的故事---三冠王､英超霸主……
不論你是否曼聯的球迷，你都不能否認這段時光，這個王朝。

歷史是由人創造的，而創造歷史的人---  Sir Alex Ferguson

然而，世上沒有永恆的東西，更沒有永恆的故事。

無可否認，費格遜已經老了，今年他仍是曼聯領隊。

那，明年呢？後年？也許曼聯不再是曼聯，光輝不再是光輝。

但一個時代的結束，亦標誌了一個時代的開始。

曼聯三冠王，費air 的代表作

費sir：

「重要的是我很享受現在的工作。有些人認為我該退休了，那簡直是胡說八道。我擁有努力工作的權利。我將繼續工作下去，」

「如果我不能贏球，就不會在這裡待上20年，這一點毫無疑問。我們做得非常棒。我們一直在以正確的方式，以曼聯的方式前進。」

「這真是令人難以置信的一段時光，我們希望能為曼聯繼續贏得更多獎杯。」

曼聯以3﹕0大勝「四哥」樸茨茅夫，繼續高踞榜首，為執教滿20年的領隊費格遜送上賀禮。

今朝起身無無聊聊 down 左個數獨來玩............

跟住去圖書館，無咩書好睇，跟住咪去打機囉，玩到12點返屋企

跟住好眼訓，訓到1點幾，開機玩下數獨，本來諗住睇 傑志 vs 南華，但係我阿哥果d話去踢波

我咪跟住去囉，去到石排得d 靚仔係到，跟住就落去葉成街啦，去到就跟隊踢

得我、我阿哥、何成3個跟，好彩kelly 來左，咪拉佢去打龍囉，我地一踢就贏晒，跟住莊雅來左

我地對住尻龍果班贏晒，對住班意大利ge 又贏晒，

我著左新boot ，唔多慣，後跟好痛，but 好好feel..................

踢到5點3 就上石排到踢啦，有人book左場，跟住同李武輝玩，係咁打佢

玩左一陣就走啦，點知我唔記得左拎鎖匙，我跑返去葉成到拎返，好彩叫kelly 幫我keep 住！！！

跟住就跑返屋企囉.............................打完啦>>>>>>

聽朝要去跑山，仲要9點鐘去.........希望起到身啦！！！

今朝終於玩得winning10 啦，第一次玩，我用曼聯，對AC米蘭，贏左2:1

跟住就返學啦，一返到去就鋤大D，玩左一陣就打鐘啦，頭3堂都係 miss wong ge ，超無引

小息同超冬，超歐，超浴、超光、超堅.........係到玩鋤大D，一邊玩一邊唱：多麼蠢的蠢豬

跟住地理堂，無野講，數學堂派卷，我得41/50 ，唔計分，但係我盡力做都唔算好好成績

lunch 一返到來就玩鋤大D，得3隻腳，照玩，玩到打鐘都繼續玩......跟住就中文堂囉

要測驗，唔係幾識，唉.....由佢啦，，，跟住兩堂英文堂，我帶左副啤去玩，一邊抄筆記一邊玩

成堂玩左4 次，跟住又玩下21點，玩玩下就讀下書，跟住玩"話事啤" ，堅哥抽左兩次兩次都係3

第一次超浴叫佢"蚊"小冰姐ge頭髮，第2次叫佢對住牆大叫：我係傻仔...........佢第2次又唔叫

跟住叫佢去同趙崇威講：我愛你.....  跟住佢將個心型ge野放係小冰姐個頭到，超浴就話佢向人示愛，=.=''

上到去課室門口，佢真係同阿sir 講我愛你，笑到我嘔電................. 

放左學之後，返左屋企換衫，覺得個後跟有d痛...........跟住去到安捷，都痛痛地

跟住鬥波啦，越踢越痛  跟住盧均宜來幫手操我地，我地俾輝仔叫停左，要操體能

都唔係好辛英，但係隻腳就超痛啦>>>>>>>> 同輝仔講，佢又話我扮野     食 啦

操完之後，隻腳行路就得，一跑就超痛，仲要鬥波，輝仔同均宜就去左青衣睇綿紡 vs 燕京，唔知點呢？？

今日比現都算fit，第一場小打一個都入左兩球，仲要贏。第2場就超輕鬆咁踢，都有兩球助攻，入左兩球！！

兩球助攻，一球俾阿鼠，有d唔靚！！跟住果球就激死阿雞囉，阿雞打龍，我pass 俾杜奧巴！

超靚，空晒，佢睇下定一定就射入，超級大奇蹟ar，杜奧巴都入到波！！跟住佢仲要慶祝，笑到我隻腳軟晒！

跟完就同阿軍去拎boot ，跟住買雪糕上安捷到食，坐左一陣就走囉，，，

小飛話我踢草地中場未夠成熱，佢話中場分多d波俾人，因為呢個係我ge 職責，下一場一定要做到！！

依家隻腳好痛ar.........