|
今日•2007年12月31日•零七年最後一日，
我決定炒魷魚•
我唔鐘意哩份工！！！！！！！ >Q<"
31 Dec 2007最後一日，我去左海洋公園「山下小食亭」炒魷魚，哩份工咩都好、好過引。但我最唔鐘意就係最尾果part........................清潔.......= =v(想死中)
 
31 Dec 2007 12:30pm 我身處公司宏利
Crystal打黎(HR公司朋友)：「Hi，哩兩日有咩攪丫？我睇你都好多活動冇時間嫁啦」「哦？你約我去街丫？」「哩兩日有個job，返海洋公園，1pm-9pm，小食亭」我心唸「而家12:30pm喎，返1pmOcean Park = =?」但我哩D悶蛋，元旦都冇女仔約，唯有接啦........................ >Q<"
 
2pm去到，第一次入Ocean Park 職工部，很興奮。搵到負責人昌哥(盧先生)，換埋制服(果時返宏利所以著緊西裝@.@)，就去員工飯堂食lunch，食左好大份炒牛柳絲+飯，都只係$13.5
係哩到要特別提一提，我係飯堂等緊既時間，見到一個少女走入黎裝水，樣子、身型、聲音都非常熟悉，但我心唸冇可能會係到見到熟人......所以冇主動叫佢，只係一直豫疑既目光望住佢，佢真係望過來啦。原來佢真係孫女Janice ~~XD。估唔到會係到見到朋友，重要係同一個department @.@ 後來唸起你提過係Ocean Park做Part time~哈!!!
  
食完飯立即開工，我企既位置係「山下小食亭」既炒魷魚檔，由於係首次返，所以都係做D簡單野，裝汽水、裝雞鎚、裝爆谷同裝魷魚。D魷魚出街前要剪細的。=D
P.S. 「山下小食亭」其實是指一Set(五個)檔分佈在不同地方。
  
31 Dec 2007好多人，冇停手，平時去Ocean Park玩好過引。都冇唸過D師兄、師姐做到嘔。XD
Photo：魷魚檔D爆谷係由爆谷檔拎過去的，以下係我拎住一大袋爆谷既實況。
   
  <~個姐姐好似餵緊D狗仔咁~ =D
  <~就係哩個魷魚檔啦~ =D
7:00pm•最慘不忍暏既時間到啦．．．．．清潔時間．．．我搵到我唔會係飲食業既原因...................." 炒左成日魷魚．．．．D油厚到丫..........救命........= ="
  
洗廚房咁辛苦，梗係去食好D！！大家樂上海排骨菜飯！！
食完之後重係佐敦撞到係輔警幫手既宏利師兄Gery Lau。「師兄！倒數期間D人命安全就靠你啦！ =D」
1 Jan 2008 我返1pm
今朝，好灰... = ="返一點，係彩虹出發，唸住去港島東會快D，預一個鐘出門口。但去到筲箕灣已經12:30，睇下個牌，部77城巴原來會行返去太古、鍘魚涌、北角、炮台山、天后、CWB再入香港仔隧道。Shit！咁駛乜入筲箕灣，早知去返金鐘搭= ="
得返半個鐘，咁駛法一定遲半個鐘，遲到得罪Ocean Park唔驚丫，得罪Crystal就一定唔得，之後啦啦聲閃返入MTR唸住去CWB打的。去到北角唔惦啦，得返二個半字，出閘打的．．．．12:55上車，1:02分到達..$55的士費............= ="
打俾昌哥話返到，佢就話：「噫，返左啦？(好準時喎)」括號內為設計對白，但我覺得佢既語氣係想咁講~~~ XDXD
換返制服，食埋豆腐飯，就拎左份禮物同藥俾孫女Janice。佢尋日俾左個串燒袋我話送Christmas禮物俾佢，買左盒糖俾佢。今朝佢又病，買左無睡意俾佢。做左1月1日元旦老人。
  
1 Jan ，尋日專門炒魷魚既Part time 誠哥做完冇返，所以今日由我負責炒魷魚啦！！=D
未試過炒咁大獲野，Sorry∼係未試過炒野~~ XD 今次真係第一次！！好攪笑！！
炒完之後返屋企全身都係炒味、成副眼鏡都係油.......
晚上見到HR公司既朋友WinWin，原來佢來自同一間HR公司幫柯達做Part time
歡樂既時光過得特別快，又係時候．．．．．．．．．洗廚房.........= =" Shit！！！
不過學到野，知道有樣野「『拿』爐水」，一沖落個爐到，D白煙係咁升起........"
「Ken師兄，你做左成年，日日你自己洗爐時行遠D，致癌嫁.....唔係講笑.= ="」
好多謝魷魚檔主管Ken哥同芬姨既照顧．．．．． =D
   
Ken 哥 + 晚上 Ocean Park
知足常樂
其實哩份工真係幾好玩，只係洗廚房同清潔果下真係想死...............
但得到個消息，HR公司refer既Part time(即係我)係$50時薪的，而Ocean Park自己既Part Time係$30時薪的，原來大家做緊同一樣既野，待遇係唔同嫁..........
即時唸到....................知足常樂！！！
你永遠唔會係最好果個，但一定唔會係最差果個............. =D
細節決定成敗
Ocean Park近年業績咁好是有原因的！
每一個小食亭的所有貨、器皿(包括紙杯、紙盤)，出入是有點算的，如有誤差，員工是要賠的，以防員工打貓(出古惑)。重有好多其他管理系統。
「細節決定成敗」，從一個小小的「山下小食亭」已經咁有制度，勝過迪士尼既成功背後是下過苦功的！！
一個好特別既元旦．．．．．．．．二零零八年一月一日．．．．．．．
|
