今日出左去灣仔會展度行書展．．

同行既有好耐無見既阿爺同朦下朦下既陳艷妮．．

出發去西鐵站個陣．．一個天咁大既誤會終於因為我既出現而解開左．．

事件起源於蔡先生．．因為佢一時既感覺．．令到我變左做５號．．

又因為咁．．令到陳小姐誤以為我係金魚．．一連三日都同金魚講左一大輪野．．

但金魚仍然係摸不著頭腦．．矇在鼓裹．．

哩件事簡直係我一生人以來最無奈既一件笑話．．

講返書展．．哩個書展可以話係大失所望．．完完全全搵唔到我想睇既書．．

幸好ｄ〝飛〞唔洗錢．．不過其餘兩位都有收獲．．

阿爺買左幾本小說．．妮就買左一本ｓｔｅｐｈｙ既書．．

本來仲有一個館可以行．．不過妮因為趕住囉ｄ咩甚麼表格．．所以行都未夠一個鐘就走．．．

亦都因為哩張表格．．攪到三個人白行左好耐．．好在最後都平安無事．．囉到張甚麼表格．．

由於阿爺要出長洲．．所以係中環站分手．．得返我同妮返天水圍．．

雖然今次書展未有收成．．但係８月１日既漫畫節我一定唔會手軟的！！！